小麻吉滷肉飯 (Closed)

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 小麻吉喺香港旺角女人街開嘅一間滷肉飯專門店，店面唔算大，但係人流唔少。今日嚟嗰度試嘅係佢哋嘅滷牛肉燥飯套餐，整體黎講好好食。🌼 先講下佢哋嘅主打滷牛肉燥飯，滷汁香濃，肉質腍滑多汁，米飯同滷汁完美融合，一口接一口咁食。配料方面，除咗青瓜條，仲有芋泥地瓜球同台灣香腸，啲料都好正，令人覺得好滿足。兩條台灣香腸，肉質好彈牙，入口唔會油膩，令人一食難忘。🌼 逢甲鹽酥雞外脆內軟，肉質鮮嫩多汁，食材嘅選用同埋處理都好用心，可以感受到佢哋對品質嘅追求。🌼 芭樂梳打泡泡係佢哋嘅招牌飲品，清新口感，加埋微微氣泡，非常啱配滷肉飯。🌼 除咗滷牛肉燥飯套餐，我地仲試咗佢哋嘅煎蛋滷肉飯，兩樣嘢配埋一齊好啱口。煎蛋口感好軟綿，同滷肉嘅味道相互襯托，令整道菜更加豐富多樣。🌼 凍烏梅汁，口感酸甜啱啱好，解渴又清新。🌈 𝐃𝐞𝐚𝐥小麻吉仲有肉燥快煮包可以比大家帶佢地美味既肉燥返屋企。 煮法簡單，只需要開水煮燙肉燥就可以係屋企享受到小麻吉既美味肉燥啦 ❤️ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ