麺屋武蔵虎洞 (青衣城) (Closed)

今晚收工同爸爸出街食，呢期疫情穩定返少少，所以可以出街食下飯，唔洗爸爸日煮夜煮咁辛苦。餐廳都會幫食客量體溫，提供搓手液等等，衛生方面完全冇問題。睇下餐牌食咩好，我地一人點一款麵。我點了沾汁麵，沾汁麵有白、赤、黑既沾汁湯底，我點選了黑。黑色沾汁湯底好香濃，好惹味，湯跟麵料分開上，自己因應份量把麵條放到沾汁湯中，麵條比一般拉麵較粗及更有口感、彈性。而且麵條中間有條小坑，令湯汁更易掛到麵條上，吃起來更為惹味。沾汁麵呢款配上叉燒，薄薄的，但豚肉味好香濃，咬起來有口感，滋味。爸爸點了蕃茄豚骨湯拉麵，呢款拉麵麵身較幼滑，口感不同。另外湯底是鮮甜惹味既蕃茄湯，入面仲有好多蕃茄同薯仔，十分惹味。配料又多，好抵食。呢款既豚肉又唔同的，口感會實少少，呈條條既豚肉。小食方面點了兩款，一款是餃子，餃子煎得皮薄餡靚，入面好juicy，一咬會爆汁，好正。不算煎到好脆，但味道好好，皮又不易穿不會把汁流失，我最愛中間超多汁，超香。另一款小食是明太子玉子卷。玉子卷厚厚的，啖啖玉子好滋味。上面有明太子點綴。味道帶點惹味，跟玉子本身的甜味好夾。飲品我們點了兩罐汽水，爽。