石崗咖喱屋

Open Now

Now Closed

係朋友推介下第一次食石崗咖哩，整體感覺唔錯，都幾好食。我地冇叫set，因為set唔算好抵食，散叫反而可以食多d自己想食嘅野。就咁睇餐牌碟好似好細碟，但幾其實份量好足，係夠飽！三個人叫左三個咖哩（一碟咖哩牛腩，一碟咖哩雞同香料雞），湯，飯同餅，最後都食唔曬。最中意食咖哩牛肉，因為d咖哩汁好好味。個汁好惹味，有少少辣，不單止好香香料味，仲食到牛腩的精華。用烤餅沾汁食真係一流，令人欲罷不能。個餅好鬆軟好香，唔會乾。香料雞嘅汁都好味，但就少左肉汁精華。個飯就一般般，雖然話係藏紅花飯，但就食唔到咩香料個d味，淨係咸咸地。總結就係都幾好食，可以再戰！