一生懸麵 (荃灣千色匯I) (Closed)

朋友搵餐廳真好，更好嘅係搵到一間好味嘅餐廳。唔搵唔知，原來係旺角排曬長龍嘅一生懸麵喺荃灣開咗分店。餐牌選擇唔多，但係拉麵同沾麵兩隻都掙扎咗一陣。沾麵係特別啲嘅，但係之前食過香港其他沾麵好鹹，令我對沾麵嘅印象一般。最後都係心思思食咗個辛辣沾麵，好似比較特別。麵質爽口彈牙，粗幼適中，可以掛湯。主角沾麵湯係淡淡辛辣，唔會太刺激。調味剛剛好，唔會太濃味到口渴。配料仲有竹筍、蔥同糖心蛋。蔥吸咗辛辣湯底更惹味。拉麵唔少得叉燒，有兩片半肥瘦叉燒，肥嘅部份甘香。叉燒厚度十足，有半隻手指嘅厚度。總體而言，今次我對沾麵重新有好感。