一生懸麵 (荃灣千色匯I) (Closed)

今次又行過嚟我個心頭好沾麵啦！🍜 我撲到啲特濃豚肉沾麵，濃咁啱口，湯底厚味到喊😋，啲麵條夠哂Q彈，食落有勁！蝦味沾麵，湯头唔係咁濃，但真係滋味多蝦，海鮮鮮香撲鼻，好夾啲麵~ 個章魚丸，攪到又香口又得意，食得我個面露笑顏！啲小食呢，就啱哂同班友夾埋一盅兩件嘅。條蕎麥麵，係沾麵界嘅勁敵，冷麵配上熱汁，一試難忘。😍 你話拉麵？啊咁當然要試下啦！湯底濃郁又夠味，櫻花蝦跳到碗面咁多，一啖啖夠哂本，完全唔使怕蝦味唔夠！啲麵做到啱啱好，硬中帶軟，足夠嚼勁，我啲牙好開心～特別鍾意啲飲品，革新咗傳統可樂加咗綠茶，意外合襯；烏龍茶就唔使講，清新得嚟味道特別，一飲解渴。真係食得盡興，飽肚滿意，抵到爆！👍 下次仲會再光顧，飲食男女，逗留喺呢個沾麵天堂！

一踏入荃灣嘅一生懸麵，就聞到一陣陣香味撲鼻而來。首先試嗰款『牡蠣沾麵』成碟嘅蠔仔簡直肥嘟嘟，金黃色嘅外表燒得啱啱好，一啖落去即刻感覺到爆汁嘅快感💦。麵條揀咗硬一點，食落更加有嚼勁，每條麵吸滿咗濃濃嘅蠔味湯汁，令人一次過滿足到視覺同味覺嘅享受😋！跟住嚟咗個海老沾麵，湯頭上面撒滿咗瑩亮嘅櫻花蝦，個湯一試真係正！放一啲麵入去，豚肉香口，脂膏逐滴溶入湯中，越食越涮嘴！蛋又做到溏心，perfect！至於個雞軟骨棒，呢個我就有啲驚喜啦，啖啖肉，鬆脆嘅口感加上少少蔥花同沙律醬，簡直係雞味嘅party。至於唐揚就無甚出彩，味道普通，但都算食得過。最後嗌咗杯綠茶可樂，搞創新感覺，綠色嘅樣子好吸引人，味道就真係可樂味偏重，不過微微嘅綠茶香氣帶嚟咗清新感；另一杯白桃烏龍就係清甜爽口嘅結尾。總括來講，試完呢間麵店，覺得佢啲配料同湯底搭配得宜，每樣小食都有自己嘅特色，食物整體賣相同味道都算係抵食。下次仲想返嚟試其他款😍！

位於千色匯商場的拉麵鋪，星期六晚市大概8點左右，無需等位即可直接入座QR code 自助下單（辛辣拉麵）$82湯底濃味，麵條是粗身的但辛辣味可以再辣一點（海老拉麵）$88滿滿的櫻花蝦，湯頭鮮甜，拉麵可以粗幼，軟硬度，另外叫左個小食，章魚小丸子$29，但就一般，不叫也可

🍜🍜🥟餐廳名:一生懸麵 地區: 荃灣 評語:白湯豚骨拉麵 HK$69 - 拉麵係幼麵底 麵質幾彈牙 湯底好濃 叉燒好香燒肉味特濃豚骨沾麵 HK$79 - 麵底係粗麵底 比較煙韌 湯底都好濃雞軟骨棒 HK$28 - 好多葱同沙律醬係面 雞軟骨足料有口感結論: 有日本風味既拉麵 整體野食不錯 店員服務OK

今天中午想吃拉麵找到這家拉麵店，有我的最愛沾麵馬上入座點餐點餐可以選擇麵條軟硬和冷熱，要不要蔥或荀，我選了冷麵和較硬的口感，選冷麵是因為冷麵口感會比熱的更爽彈有筋道，比較硬的口感也是因為一樣的原因沾麵汁是濃厚的魚介湯底，味道也很香但可以再辣些，因為選的是辛辣沾麵，但吃不出有辣的感覺喜歡大蔥的朋友應該會很開心一大堆大蔥絲鋪滿了軟骨棒的表面上。可惜本人蔥薑芫荽芽菜什麼等等的配菜也都不吃的所以拍照後就把大蔥們撥到一旁了雞軟骨棒整身味道很好了調味適中肉味也濃，有吃到很多碎軟骨，很有咬口，很喜歡

見到荃灣有好新奇既雪糕拉麵，入來試下。整體looking賣相都幾好睇，湯底辣辣地，等雪糕融化後唔會咁辣，多左乳酪味道，不過唔係好食既出花生醬味道。我自己嗌左柔面，但係都有小小硬，呢度拉麵唔係細麵，偏粗同硬，鍾意寬麵同有咬口既朋友值得一試。不過湯底真係好濃...好heavy，仲配搭一大塊五花肉同溏心蛋，果舊肉完全食唔落因為太肥...同埋我自己會覺得調味有啲鹹。總體面量唔算多，108蚊又有啲貴。當試下新野算～

餐廳有拉麵、沾麵、小食，之前嘅雪糕拉麵討論度勁高。本身沾麵好出名，一直都要排長龍。之前食過旺角店，印象中係好好食，最近試左荃灣分店，有少少失望。。魚介豚骨沾麵 $82。特濃豚骨沾麵 $82當日嗌左兩款沾麵，麵可以選擇凍熱同硬度，沾麵比拉麵粗身，質感彈牙。有糖芯蛋同兩塊炙燒叉燒，叉燒入口即溶，加埋灸燒過嘅味，唔錯。沾麵嘅湯底一般比較濃厚杰身，但呢度嘅湯底似拉麵湯底，比較稀，麵唔掛湯。味道咸得黎無左濃郁嘅口感。

今次係小弟第二次去食呢間，第一次係試佢嘅普通拉麵，但係今次決定試吓熱沾麵。小弟到嘅時間係大概晚上八點，等咗15分鐘就有位。今次小弟喺張紙度剔咗要所有嘅配料，麵硬度普通，初初都好驚碗麵會煮到有啲淋，因為小弟鍾意食比較硬嘅拉麵，上菜嘅時候，見到啲拉麵煮得唔錯，幾彈牙。而且沾麵嘅湯比較濃，令到啲湯比較容易掛上去麵嘅本身。湯嘅味道比較鹹，所以如果就咁當普通拉麵湯底咁飲，就會覺得鹹咗少少，但係如果撈埋面一齊食，就剛剛好。總括而言，喺呢個價位嘅拉麵算係唔錯，環境亦都乾淨，唯一覺得坐得有啲比較迫。不過如果你早啲去攞位，一個人都有機會可以坐到四人枱，咁樣就可以坐得舒服啲。

作為走在潮流末端嘅食評家(自稱)，當然要嚟試已經hit左好耐，hit到唔heat咁濟嘅 — 花生醬雪糕🍦拉麵🤤！聽到咁新奇有趣嘅配搭，男朋友第一反應係…驚慌😰(事關唔好食最後係要佢清)，但大家可以放心，味道係非常正常，各位普通拉麵愛好者可以放💛一試。雪糕🍦夠凍，足夠試晒唔同組合先溶晒；剛上菜湯只有辣味，溶後辣度稍減且有奶香味，再之後越食湯底會越辣🥵三小辣表示最後有少少頂唔順。平心而論，麵質比我鍾意嘅偏硬，但都掛到湯。總括而言，值得一試嘅，個人都幾鍾意，會encore😆箍牙妹有個推薦食法：1️⃣ 一上拉麵，飲頭啖湯，先試湯底2️⃣ 試食雪糕🍦（一細啖已ok）3️⃣ 推鬆拉麵🍜等待雪糕溶，同時可以淺嚐配菜（因到後期，湯底更辣，食配菜只會有辣味）4️⃣ 大部分雪糕🍦已溶，可再試湯底5️⃣ 試食cone（已淋並吸了部分辣汁，喜歡💛軟淋口感的我很喜歡！）6️⃣ 食拉麵🍜7️⃣ 清晒！8️⃣ 如能頂得住辣味，可再試湯底唯一需改善的地方係餐廳有部分座位處於廚房睇唔到嘅死角位，如果店員喺廚房附近做嘢，就會留意唔到客人嘅需求，店員可能要多啲留意👀吓。

一生懸麵 (荃灣千色匯) (荃灣)📇地址：荃灣眾安街68號荃灣千色匯1期3樓3012號舖🕐營業時間：星期一至日11:30-22:00💸人均消費：～$100/人(dinner)👏🏻抵讚位：細細嘅碗，但裝到嘅沾麵同餸都出奇地多，朋友加左個麵底，都差啲食唔哂，夠哂多料🤭 🍴Food QC：「特濃豚骨沾麵 $82」湯底濃郁啲同杰身，食落會惹味啲，值得一讚係啲叉燒好厚切，厚薄度係見過嘅日式麵入面最厚🤣「魚介豚骨沾麵 $82」呢個沾麵湯底相對地清啲同稀少少，魚味就唔多食得出有😂 但啲沾麵嘅質感幾好食，係粗麵黎。加左個木耳，增加成個麵嘅口感😉😯有待改善位：座位嘅安排有啲特別，我地食飯嗰段時間其實冇乜客，我哋兩個人就坐咗張細枱。但係其他都係兩個人嘅客嚟到嘅時候就俾咗張四人枱佢哋坐😅 😼私心回應區：坐得唔算話好逼又平價食到沾麵嘅連鎖日式餐廳，都算有驚喜，起碼份量同用料都好足先，係個湯底差少少，唔係係好掛麵嘅沾麵湯底。

將雪糕放落拉麵到一齊食😳？咁騎呢嘅組合估唔到又幾好味喎，小店藏於千色匯3樓，經過荃灣可以一試呀！推薦指數：🐷🐷🐷（5分滿分）（原因：雪糕拉麵值得一試，其他嘢食比較普通）🍦花生醬雪糕拉麵 𝐇𝐊𝐃 108真係同相一模一樣🥰，雪糕雪到好冰❄️，所以就算係熱辣辣嘅湯都唔會即刻溶到，但cone一早已經唔脆ga la。花生味幾香濃🥜，配上豬骨辣味湯底，濃稠中增添一絲奶香，好有層次🤍～粗麵條好評，煙煙韌韌，半肥瘦豚肉入味軟糯，湯底最後會越食越辣，但唔會辣到頂唔順🥵🌶️辛辣拉麵 𝐇𝐊𝐃 82冇左花生同雪糕嘅配搭，湯底就比較普通了，帶少少蒜香味，容易入口，麵條同樣都係粗麵，叉燒有d乾，帶少少焦香🤏，同雪糕拉麵食落口感差好遠😂🥟煎餃子 𝐇𝐊𝐃 29十分普通嘅野菜豬肉煎餃，外皮亦唔脆，唔好叫環境：比起其他分店空間較大，可以自己選擇麵嘅硬度

見我妹話好食咪走黎試下，咁試得就梗係食招牌野，話就話係花生醬x雪糕拉麵，但老實真係食唔到花生醬味，雪糕溶左都係少少甜味，end up其實只係食到少少辣味，真心失望！

見到雪糕拉麵可能有好多人都諗緊，究竟好唔好食㗎，係咪gimmick野咋，當初都係因為唔知好唔好食，好奇心驅使之下就嚟咗食。呢個麵只可以揀小辣同唔辣，我就揀咗小辣，其他野都同平時嘅辣味拉麵冇乜分別，叉燒大舊軟淋，溏心蛋都有流心嘅效果，但個人覺得呢兩種食材都唔夠入味，比較可惜。 值得稱讚嘅係麵條，揀咗硬就真係有硬嘅口感，又未去到唔熟超硬嘅感覺。一上枱嘅時候個雪糕都好硬，花生醬雪糕融咗之後嘅甜味同奶味可以中和到種辣味，個味道就有多啲層次，辣得嚟帶點甜，不過過雪糕筒融咗之後就好淋，似食緊塊腐皮，食到最後個湯都唔會話凍曬。總括而言，我覺得係值得試吓嘅。

星期日下午去左千色滙搵食，突然被‘’一生懸麵‘’門口既海報所吸引。嘩！花生醬雪糕拉麵，光聽到名已經流口水喇！仲要連我至愛既沾麵都有，立即唔使考慮走入店！今次我地點左白湯豚骨拉麵；極厚花生醬雪糕拉麵以及辛辣沾麵。白湯豚骨拉麵湯頭清甜，豬骨味濃；極厚花生醬雪糕拉麵，花生醬雪凍成軟雪糕形狀，慢慢在熱湯中溶化，湯底微辣中帶點甜味，再配上粗麵條，配搭非常有趣又出奇地好味！😋比較之下，辛辣沾麵便顯得沒那麼出色，雖然味道都吸引，但卻沒有雪糕拉麵那種層次感。

記得上年都出過，但當時熱潮真係超級多人食，去到永遠都賣曬😢事隔接近一年，終於俾我食到呢個花生醬雪糕拉麵🥜🍜！！！🌟花生醬雪糕拉麵 呢個係一生懸麵 同想甜嚐甜Crossover嘅拉麵～ 半個花生醬雪糕甜筒 再加上嘅辛辣拉麵🍜真心講，平時譚仔食嘅2小都覺得呢個拉麵都幾辣🌶️🌶️🌶️，但佢隻辣唔係辣椒油嘅辣，而係真係好似加咗辣椒落去煲咁🤣融入咗個湯底🤣🤣不過係過癮嘅～🍦雪糕已經雪到超級冰超級硬，要等一陣先可以融到入個湯底🫣辣味湯底加雪糕可以中和返個辣味，加埋啲花生粒好似擔擔麵～另外雪糕筒浸咗湯之後，好似腐皮咁，感覺好有趣✨🐷叉燒係名乎其實超！厚！切！係有炙燒過嘅香味，肥膏入口即溶，瘦肉部分都唔會鞋口，咬落油脂感大爆發😍味道：4/5性價比：4/5回訪度：60%