拉麵Jo (Closed)

同男朋友睇戲前搵嘢食，見到呢間有沾麵，就入嚟試吓... 午市套餐包一款飯/ 麵 + 一款小食 ，飲品要再另加錢特製沾麵 ($108)一般食沾麵都會有得揀配料之類，呢度完全無，店員落單嘅時候都無問。我見上枱個陣湯汁無煙，好似唔太熱，我就請問店員食到一半是否可以再返熱（我食過好多間都有呢個服務），但店員唔識答我，淨係問我係咪最後一部分嘅加湯飲，我話唔係 😰講返湯汁，唔算太入味，濃度亦唔太夠，而且熱度唔夠已經食得唔太開心；麵條方面就係普通厚麵質，算有韌度但最奇怪係叉燒、中間仲要再切有 d 古怪.... 之前我見銅鑼灣分店係原條，唔明點解尖沙咀店要咁切法😰跟餐嘅小食 - 薯仔沙律正常另外要左一個小食，明太子煎蛋（$68）算係有驚喜，每一粒玉子裡面都有好多明太子，算係真材實料。