Video
Read full review
2018-09-08
3524 views
前幾日同朋友一齊喺灣仔行街，行左一陣大家都又熱又攰又肚餓。灣仔出名多野食，朋友就話想食日本菜，我又咁岩想食拉麵之類，所以就出發去搵好味既日式料理 😋我地行到去W Square，見到呢到開左間風雲丸沾麵店，朋友話係經常排曬長龍既人氣麵店。沾麵雖然唔係第一次食，但呢間係專門店，我同朋友都諗會唔會有咩特色賣點？唔諗咁多喇，既然一場黎到，就一於排隊試下，我地今晚要同沾麵決戰 😜店內裝潢充滿日本風格，細小既木枱令我回憶起曾經到訪過既日本地道拉麵店。店舖佈置精美，除左普通餐桌，仲有溫馨既小包廂。桌上有教客人食沾麵既指引，每一個步驟都係圖文並茂，非常貼心 ☺️餐牌真心抵讚，囊括左各款特色經典沾麵、小食同飲品，仲有埋圖添。 呢張自選拉麵紙好清晰簡潔，先選麵既軟硬度、溫度、要唔要蔥花、筍等等，有得自由配搭真係好開心 🤤呢到有多款不同口味既沾麵，亦有汽水同埋充滿日本風味既特色飲料，仲有甜品～ 事不宜遲，我地好快就點好餐 ☺️豚骨魚介味玉沾麵 $93沾麵既湯頭濃郁，相比平時食開既沾麵湯汁，加左魚介既味道幾特別。沾麵既分量可以任選200-400g，我地兩個都揀左 300g，分量岩岩好 👍🏻 另外我地點左一碗冷面
我地行到去W Square，見到呢到開左間風雲丸沾麵店，朋友話係經常排曬長龍既人氣麵店。沾麵雖然唔係第一次食，但呢間係專門店，我同朋友都諗會唔會有咩特色賣點？唔諗咁多喇，既然一場黎到，就一於排隊試下，我地今晚要同沾麵決戰 😜
店內裝潢充滿日本風格，細小既木枱令我回憶起曾經到訪過既日本地道拉麵店。店舖佈置精美，除左普通餐桌，仲有溫馨既小包廂。
桌上有教客人食沾麵既指引，每一個步驟都係圖文並茂，非常貼心 ☺️
餐牌真心抵讚，囊括左各款特色經典沾麵、小食同飲品，仲有埋圖添。 呢張自選拉麵紙好清晰簡潔，先選麵既軟硬度、溫度、要唔要蔥花、筍等等，有得自由配搭真係好開心 🤤
呢到有多款不同口味既沾麵，亦有汽水同埋充滿日本風味既特色飲料，仲有甜品～ 事不宜遲，我地好快就點好餐 ☺️
豚骨魚介味玉沾麵 $93
沾麵既湯頭濃郁，相比平時食開既沾麵湯汁，加左魚介既味道幾特別。
沾麵既分量可以任選200-400g，我地兩個都揀左 300g，分量岩岩好 👍🏻
另外我地點左一碗冷面、一碗溫面，大致上食落差唔多，不過冷面好似更爽口更彈牙 🍜
豚肉超級厚肉，味道好正！表面燒到深啡色，一上枱已經聞到好香既燒烤味～豚肉好鮮嫩多汁，惹味又juicy～
雖然豚肉有一少部分係脂肪，但我個人覺得好香口好好味，所以一向都唔怕肥照食，連朋友都覺得正！
除左沾麵之外，仲有筍、蔥花同埋糖心蛋！😍 呢到既溏心蛋真係好唔錯！又香又甜 😋 食沾麵冇味蛋會好失色～🍳 半熟蛋黃既蛋香滿足味覺享受 😋💓
肉盛豚骨魚介沾麵 $128
食沾麵既話，魚介湯汁絕對係重點，一碗沾麵既質素如何，除左麵條之外 絕大部分都係取決於湯頭 🍲 佢地用左石頭窩黎盛住魚介湯汁，可以保住湯頭既溫度，就算放左微冷既麵條落去，佢依然係熱烘烘～ ☺️
同餐牌上面既圖一模一樣，大大塊既豚肉，厚薄適中，香氣撲鼻。豚肉應該係腩肉部份，有一層肥肉，食落更有層次感，口感十足，亦唔覺得油膩 😛
魚介湯頭好濃郁，真係充滿濃濃既魚香味。不過個人覺得有點油，如果油份控制得好啲就近乎完美～ 魚介湯鮮美滋味 😋 微冷彈牙既麵條，沾上香濃暖暖既魚介汁，口感好特別 👍🏼
麵條口感煙韌彈牙，厚身既麵條掛湯，啖啖都食到濃濃既魚介湯汁，味道豐富。
不過呢碗既湯頭有少少唔同，相比起另一碗無咁濃味，適合一啲中意食得清淡既人 😋
唐揚炸雞 $35
唐揚炸雞一向都係令人愛不釋手既菜式，呢道炸雞有5 大件，外皮酥脆，炸到金黃色，咬落脆卜卜。入面既雞肉嫩滑多汁，非常 juicy。雖然佢既外皮係炸既，但麵粉比例岩岩好，絕對唔會覺得佢好厚粉，炸雞既味道好唔錯 😋
今晚真係超滿足，連朋友都大讚好味！服務員態度親切，而餐廳食物又有一定質素 😋 我會再同其他朋友去食多次 🍜
Post
