Video
Read full review
2014-01-07
5262 views
Honey的朋友昨夜即興約我們今天飲茶, 將我們的部署大大打亂, 唔係因為好耐無見佢太太同對仔女, 真係唔想騷佢, 哈哈...比咗2個選擇佢揀, 佢竟然話泊車方便緊要過食物好味, 比佢激暈... 幫襯富嘉閣可以係嘉里中心免費泊車2小時, 而且有電梯直達, 咁帶住2個幼童出入又真係幾方便嘅, 就算落大雨都無有怕...呢度座位又寬敞, 裝修又雅致, 又有公園景+海景, 酒店管理, 真係見得下人... 價錢唔係話好貴, 唯一係無特價茶市囉, 所以都唔爆, 實有位...呢間房係嘉里老細專用...朋友初時約12點, 之後又話12點半, 我地臨出門口時又打電話來話1點, 咁諗住都係等一陣, 懶得改Booking, 我地12點半準時到, 見佢地話1點來, 我叫咗桂花豆沙包同馬拉糕食住等, 食完先醒起無影相, 哈哈... 等了又等... 等了又等... 結果佢地2點先到, 話剛才去了幼稚園報名!!! 唉... 好彩我地都無比職員黑面, 去第2度的話肯定黑爆, 阻人張枱咁耐...桂花豆沙包 $27-- 好好味, 必吃, 桂花味超級香, 豆沙又香又甜, 我自己獨力可以食晒3個...懷舊麒麟馬拉糕 $18-
比咗2個選擇佢揀, 佢竟然話泊車方便緊要過食物好味, 比佢激暈... 幫襯富嘉閣可以係嘉里中心免費泊車2小時, 而且有電梯直達, 咁帶住2個幼童出入又真係幾方便嘅, 就算落大雨都無有怕...
呢度座位又寬敞, 裝修又雅致, 又有公園景+海景, 酒店管理, 真係見得下人... 價錢唔係話好貴, 唯一係無特價茶市囉, 所以都唔爆, 實有位...
呢間房係嘉里老細專用...
朋友初時約12點, 之後又話12點半, 我地臨出門口時又打電話來話1點, 咁諗住都係等一陣, 懶得改Booking, 我地12點半準時到, 見佢地話1點來, 我叫咗桂花豆沙包同馬拉糕食住等, 食完先醒起無影相, 哈哈... 等了又等... 等了又等... 結果佢地2點先到, 話剛才去了幼稚園報名!!! 唉... 好彩我地都無比職員黑面, 去第2度的話肯定黑爆, 阻人張枱咁耐...桂花豆沙包 $27
-- 好好味, 必吃, 桂花味超級香, 豆沙又香又甜, 我自己獨力可以食晒3個...
懷舊麒麟馬拉糕 $18
-- 味道沒什特別, 濕潤鬆軟, 氣孔分佈亦不錯...
朋友來到, 要麻煩佢太太落單了, 因為唔知2個幼童可以吃什麼...
豉汁王肉絲炒麵 $98
-- 從少不喜歡吃麵, 怕梘水味, 所以未試過呢度嘅粉麵... 見到炒麵上桌時, 未有衝動吃, 待放涼了之後, 夾了少許試味... 嘩!!! 好好味呀!!! 甜甜地好香口, 炒得好乾身, 麵身條條分明, 仲好味過平時食開的乾炒牛河...
上湯浸鮮竹卷 $23-- 我係勁Dislike鮮竹卷的人, 今日唔知係咪等到傻咗, 居然走去剔鮮竹卷, 出奇地又幾好味喎, 無咗其他酒樓的鮮竹卷怪味, 多了一份甜味, 入面隻蝦仲好大隻, 同埋整片腐皮都好濕潤, 好柔軟..
白布拉滑腸粉 $18-- 腸粉滑溜, 醬汁另上, 小朋友食白腸, 我當然係狂浸甜醬同麻醬啦...
冬菇切肉燒賣皇 $27-- 切肉燒賣好扎實, 鮮味多汁, 小朋友手指指話Yellow, 父母即時夾1粒剪開做4份比佢地慢慢品嚐...
鮑汁蒸鳳爪 $27
-- 鳳爪都蒸得軟腍, 但不是溶化的程度, 醬汁好惹味, 平時我一個人可以乾掉, 估唔到朋友又會比對仔女食喎, 當然係去骨後, 小朋友重食得好滋味要encore...
筍尖蝦餃皇 $35-- 小朋友的至愛, 佢地父母幫佢剪走晶瑩剔透的蝦皮後, 佢地剩係食大大隻的蝦肉, 皮真留比父母食, 難怪朋友話泊車方便緊要過食物好味, 明晒, 嘿嘿...
迷你蛋撻仔 $23
-- 小朋友的至愛, 唔敢同佢地爭, 見佢自携的膠匙剛好可舀起整個蛋撻餡(佢地唔食皮的, 哈哈), 放入口即吐出來, 我估可能個底仲好燙嘴, 雖然擺咗係枱面都好耐...
小朋友食飽飽就要落地行, 走咗去落地玻璃窗果便睇馬路上的車車... 好彩隔離2張枱都無人坐, 小朋友不停行過去又行返來都唔會騷擾到人... 朋友坐足2小時 (我地住足3個半小時), 朋友的太太第一次來, 好似幾欣賞呢度, 話可以hea好耐... 我叫佢下次來訂窗口位, 對仔女可以直接睇車車, 唔使落地...Honey去洗手間其間, 朋友倆公婆爭住埋單, 其實我都有伸手去爭, 不過輸了... 想夾返錢佢地又唔肯收, 我都唔知今餐幾錢...
Post
