L'AMOUR

今日有朋友約我去蘭桂坊食法國菜，平時比較少食到，就答應咗佢啦。個餐廳而家十月已經有啲萬聖節擺設，非常有氣氛。我地今次叫左set dinner 4 course，首先餐包係意式香草包同埋提子包配黑松露牛油，黑松露牛油非常特別呢個組合配合得好好，非常之香濃既黑松露味道係我口腔徘徊，非常回味。頭盤我地加38蚊叫左個極品海膽魚子醬伴生蠔，海膽非常新鮮，同一般既放題質素差得遠，呢道既非常新鮮，一食落去既味道立即感受到。生蠔點咪醬食非常野味可口。餐湯方面就選左時日餐湯同咪加48蚊有法式澳洲活龍蝦湯 。今日既時日餐湯係蘑菇湯，非常香濃清新，蘑菇味好出。令一款係龍蝦🦞湯，呢款龍蝦味好出，成個龍蝦頭用黎咬湯，兩款都咁鍾意❤️，真係好難取捨。主食方面有傅統法式牛柳，牛柳都有七成熟，肉汁鮮嫩多汁，口感一流。味道好好，非常喜愛。令一款係慢煮西班牙黑毛豬鞍，已切件上，食落非常方便。而且口感同味道都好好。兩者都好鍾意❤️，兩款主食都咁好味。最後甜品方面就選左季節限定時日甜品同咪加48蚊既原隻海膽雪糕。原隻海膽雪糕真係食過返尋味，好想再encore多次，但係set dinner限定左得一次機會。我一定要返黎再食過下次。