Video
Read full review
2022-07-05
483 views
達克瓦茲·卷蛋專門店💓🪖帶定頭盔費事比人話我寫得詳細係收費介紹😂2019年10月兩夫婦打理既自家製Dacquoise IG店，年頭係銅鑼灣開左實體店啦！二人執著於口感同內餡，絕不馬虎或跟風輕率推出，主打茶類製品，使用日本蛋同新西蘭淡忌廉，追求簡潔、樸素，並不認同越濃越好呢個概念🫡我都十分認同店主既睇法，太濃味會食唔到食材本身既味道，甜品連少少甜都冇叫咩甜品？.𝐃𝐚𝐜𝐪𝐮𝐨𝐢𝐬𝐞到底Dacquoise係咩黎？呢款甜品源自於法國西南部地區，亦係十七世紀法國宮廷經典點心🇫🇷甜品主要用大量杏仁粉、蛋白、糖分製成，食用時除左感受到餅殼好似馬卡龍既濃厚杏仁香氣之餘，口感酥脆得黎內裡柔軟！加上夾心搭配左唔同特調內餡，好食到感受唔到罪惡感之餘仲令我一次過食曬四粒☺️要保留Dacquoise既外脆內軟，對溫度同濕度都有要求架！未食既時候可以擺冰格（可以keep耐d），食之前都唔需要拆開包裝解凍，宜家夏天擺10分鐘左右已經足夠啦～小山園抹茶麻糬 HKD40對於非抹茶控既我對我黎講係四粒入面最喜歡既😳選用小山園既「又玄」，帶有微微既苦味之餘又有點甘甜，比一般抹茶粉既顏色更翠綠🍵中間有粒麻糬，抹茶唔會苦到蓋過甜
🪖帶定頭盔費事比人話我寫得詳細係收費介紹😂
2019年10月兩夫婦打理既自家製Dacquoise IG店，年頭係銅鑼灣開左實體店啦！二人執著於口感同內餡，絕不馬虎或跟風輕率推出，主打茶類製品，使用日本蛋同新西蘭淡忌廉，追求簡潔、樸素，並不認同越濃越好呢個概念🫡我都十分認同店主既睇法，太濃味會食唔到食材本身既味道，甜品連少少甜都冇叫咩甜品？
.
𝐃𝐚𝐜𝐪𝐮𝐨𝐢𝐬𝐞
到底Dacquoise係咩黎？呢款甜品源自於法國西南部地區，亦係十七世紀法國宮廷經典點心🇫🇷甜品主要用大量杏仁粉、蛋白、糖分製成，食用時除左感受到餅殼好似馬卡龍既濃厚杏仁香氣之餘，口感酥脆得黎內裡柔軟！加上夾心搭配左唔同特調內餡，好食到感受唔到罪惡感之餘仲令我一次過食曬四粒☺️
13 views
0 likes
0 comments
要保留Dacquoise既外脆內軟，對溫度同濕度都有要求架！未食既時候可以擺冰格（可以keep耐d），食之前都唔需要拆開包裝解凍，宜家夏天擺10分鐘左右已經足夠啦～
小山園抹茶麻糬 HKD40
對於非抹茶控既我對我黎講係四粒入面最喜歡既😳選用小山園既「又玄」，帶有微微既苦味之餘又有點甘甜，比一般抹茶粉既顏色更翠綠🍵中間有粒麻糬，抹茶唔會苦到蓋過甜味，可以品嚐到淡淡茶香～
11 views
0 likes
0 comments
石板街 HKD30
朱古力控既我點會冇試呢🍫石板街用左Callebaut 70%可可，全球好多廚師同朱古力師都鍾意用呢款比利時朱古力架！朱古力連埋棉花糖同杏仁粒，呈現出經典石板街風味，多重口感，如果再多少少杏仁粒就好啦😝
18 views
0 likes
0 comments
伯爵茶白桃 HKD34
採用台灣伯爵茶粉製成既custard，中間無額外添加糖既白桃果醬都好清甜，白桃同茶香互相輝映，口感超fresh🍑 cream既外層裝飾用左矢車菊，小小紫色點綴好靚💜
10 views
0 likes
0 comments
海鹽焦糖忌廉芝士 HKD34
呢款係Dacquoise入面最好賣既，用左Kiri cream cheese做奶油霜，帶有芝士既鹹香味之餘口感同好smooth，中間係自家製既焦糖醬，好match🍯
16 views
0 likes
0 comments
.
𝐑𝐨𝐥𝐥𝐜𝐚𝐤𝐞
小店推出好多款茶味卷蛋，例如王牌焙茶黑糖蕨餅、焙茶、玄米茶、鐵觀音、茉莉綠茶等等，但身為芝麻控既我曾經黎過一次食白果今次黎到有都係揀返黑芝麻啦😎
黑芝麻卷蛋 HKD42
選用天然黑芝麻醬，無加炭粉變黑，卷蛋中間有用紫米做既麻糬，不過唔係好食到粒麻糬所以食唔到紫米香味，如果大粒d食到紫米既味感覺上冇咁浪費當中既細節位🙈攞走之前店主會係卷蛋既頂加片芝麻餅點綴
18 views
0 likes
0 comments
⚠️留意返，實體店並非每日都有齊全部口味，想確保食到記得預先訂啦！除左達克瓦茲同卷蛋（件裝及原條）之外，小店仲有推出原個蛋糕、費雪南，仲有咖啡班添☕️
.
Shiro Bakery
地址 ｜
銅鑼灣富明街2-6號寶明大廈2樓G室
Post
