Video
Read full review
2016-08-17
995 views
舖位前世為法國餐廳，幾乎原用所有裝修、擺設、掛畫、廚房、傢私檯椅、大門，confusion 得十分有趣！其實得知八寶清湯腩重開都有段時間，但一直都未有機會黎幫襯。今日專登走過黎棒場，但行來行去都唔見門口係邊既？原來大門跟大廈及街道融為一體，唔容易發現呢，完全都唔顯眼，行過左幾次都唔知，老闆要諗諗計喎。西餐廳中的潮州粉麵，包裝得十分高檔 ﹗Menu 仲加埋焗飯、意粉、湯飯、沙律、牛扒，真係好鬼得意架啫，funny funny！價錢比起舊舖略有調整，都明白天價舖租不易應付，幫業主打工。當然要食招牌清湯腩啦，樣樣都想食，連西餐我都想試埋，但我一個人食得幾多喎。一早諗定食咩，menu 都唔洗睇一坐底就 order，趕住去銀行啊 ﹗見到大半數食客都係食西餐喎，只有少數食粉麵呢，可能套餐抵食掛。清湯蘿蔔淨牛寶走蔥，有分牛寶及三寶，三寶較為普通，只有牛腩、牛肚、牛筋。份量十足，都好大碗喎，如果再熱一點就更好，只係暖暖地始終無咁好食。牛寶件件精挑細選，頂級高質。入口精彩美味，香甜鬆化，爽腩黏黏膠膠、坑腩超彈有咬口、崩砂軟棉而邊位爽脆！肉汁澎湃，併上香甜藥材湯底，每口軟棉水潤，牛味濃厚，無得彈。清湯蘿蔔
其實得知八寶清湯腩重開都有段時間，但一直都未有機會黎幫襯。今日專登走過黎棒場，但行來行去都唔見門口係邊既？原來大門跟大廈及街道融為一體，唔容易發現呢，完全都唔顯眼，行過左幾次都唔知，老闆要諗諗計喎。
西餐廳中的潮州粉麵，包裝得十分高檔 ﹗Menu 仲加埋焗飯、意粉、湯飯、沙律、牛扒，真係好鬼得意架啫，funny funny！
價錢比起舊舖略有調整，都明白天價舖租不易應付，幫業主打工。當然要食招牌清湯腩啦，樣樣都想食，連西餐我都想試埋，但我一個人食得幾多喎。
一早諗定食咩，menu 都唔洗睇一坐底就 order，趕住去銀行啊 ﹗見到大半數食客都係食西餐喎，只有少數食粉麵呢，可能套餐抵食掛。
清湯蘿蔔淨牛寶走蔥，有分牛寶及三寶，三寶較為普通，只有牛腩、牛肚、牛筋。份量十足，都好大碗喎，如果再熱一點就更好，只係暖暖地始終無咁好食。
牛寶件件精挑細選，頂級高質。入口精彩美味，香甜鬆化，爽腩黏黏膠膠、坑腩超彈有咬口、崩砂軟棉而邊位爽脆！肉汁澎湃，併上香甜藥材湯底，每口軟棉水潤，牛味濃厚，無得彈。
清湯蘿蔔鮮蝦雲吞撈麵走蔥，雲吞夠巨型，好耐無見過咁大隻喇 ﹗就連我都只係免強可以整粒放入口乍。原隻中蝦超級爽彈，不能掩飾的鮮蝦味道，皮薄餡又靚，沾上辣椒渣就更加開胃香口。藥材湯汁香甜味美，不過只係暖暖地要扣點分收，要勁熱先好飲麻！混上微爽幼麵，捲上大量辣椒渣，好感動啊 ﹗
清湯蘿蔔鮮蝦雲吞撈麵走蔥、清湯蘿蔔淨牛寶走蔥，大大份一人前午餐，咁大食認真難養！同事妹妹都只係免強食晒碗牛腩河乍，再試左一粒雲吞及一件爽腩就停手，唔洗怕醜喎。無法啦，唯有我自己清晒去。望咩啫？唔比人家大食架咩？即係淨清湯牛寶鮮蝦雲吞撈麵之麻，爽腩、坑腩、崩砂腩、雲吞，全部清晒，濕濕碎啦，好好味啊 ﹗
牛筋豬手撈粗走蔥，點解又要剪斷我既粗麵呀？我又唔係小朋友，搞到鬼死咁碎又要夾多幾次，我識得自己咬斷架！平時啜兩三啖食完，依加要夾五六次，係咪搵黎搞，浪費氣力同時間呀。
粗麵爽彈滑，撈上豉油辣椒渣好味道，不咸不嗆而帶清香，不過碎濕濕，食得好麻煩。剛剛烚起熱燙沙燙芥蘭非常翠綠，香氣芬芳，爽甜脆卜卜又充滿水份，菜甜味出眾，連蠔油都慳返。辣椒油一碟仔只係免強送到麵底乍，微香微辣，比以前只得油味進步多了。完全唔夠喉，檯面無得自行添加，趕時間費事又叫侍應比我啦。
牛筋豬手撈粗走蔥，藥材湯滾熱辣，清香宜人，差不多全部飲晒，好味到停唔到手。牛筋係我最愛既質感同味道，勁腍勁棉勁黏勁膠口黏黏，味道極濃入晒味，讚。豬手皮非常膠口，食完嘴唇黏黏的，連紙巾都黐住，炆得入味，滿意。全部都係骨膠原，食飽飽即刻靚晒。
清湯蘿蔔淨牛寶走蔥
28 views
0 likes
0 comments
清湯蘿蔔淨牛寶走蔥
20 views
0 likes
0 comments
清湯蘿蔔鮮蝦雲吞撈麵走蔥
9 views
0 likes
0 comments
清湯蘿蔔鮮蝦雲吞撈麵走蔥
8 views
0 likes
0 comments
清湯蘿蔔鮮蝦雲吞撈麵走蔥、清湯蘿蔔淨牛寶走蔥
12 views
0 likes
0 comments
清湯蘿蔔鮮蝦雲吞撈麵走蔥、清湯蘿蔔淨牛寶走蔥
22 views
0 likes
0 comments
清湯蘿蔔鮮蝦雲吞撈麵走蔥、清湯蘿蔔淨牛寶走蔥
12 views
0 likes
0 comments
牛筋豬手撈粗走蔥
7 views
0 likes
0 comments
牛筋豬手撈粗走蔥
24 views
0 likes
0 comments
牛筋豬手撈粗走蔥
18 views
0 likes
0 comments
Post
