Video
Read full review
2022-12-04
106 views
呢間充滿情調嘅法國餐廳由法籍主廚主理，主打法國海鮮，係灣仔La Creperie嘅姊妹店～ 廚師當日親自為我地介紹左兩款白酒搭配海鮮，為海鮮盛宴掀開序幕！French Seafood Platters La Boudeuse ($638) 海鮮主要來自法國西北部，生蠔爽脆飽滿，礦物味相當突出，海水味亦相當濃郁，令小編印象深刻！翡翠螺肉質爽彈，每隻都鮮甜肥美，虎蝦同蜆就正常發揮，配上自家製蛋黃醬，帶有陣陣檸檬同迷迭香嘅芳香～ Escarots de Bourgogne ($140）焗田螺係法國經典菜式之一，口感彈牙，牛油同蒜香味濃厚，表面蓋上法式麵包，沾滿香草同牛油，邪惡滿分！Seabass ($238) 鱸魚只有簡單嘅調味，因而令食材鮮味更能呈現，外皮煎至微微焦香，食落啖啖肉，配上香橙醬味道更清新。Lavender Parfait ($98)雪糕中間夾著果肉，表面鋪滿焦糖果仁脆脆，令口感更豐富～ 配上酸酸甜甜嘅雜莓汁，減低膩口感，為豐富一餐畫上完美句號～
廚師當日親自為我地介紹左兩款白酒搭配海鮮，為海鮮盛宴掀開序幕！
French Seafood Platters La Boudeuse ($638)
海鮮主要來自法國西北部，生蠔爽脆飽滿，礦物味相當突出，海水味亦相當濃郁，令小編印象深刻！翡翠螺肉質爽彈，每隻都鮮甜肥美，虎蝦同蜆就正常發揮，配上自家製蛋黃醬，帶有陣陣檸檬同迷迭香嘅芳香～
Escarots de Bourgogne ($140）
焗田螺係法國經典菜式之一，口感彈牙，牛油同蒜香味濃厚，表面蓋上法式麵包，沾滿香草同牛油，邪惡滿分！
Seabass ($238)
鱸魚只有簡單嘅調味，因而令食材鮮味更能呈現，外皮煎至微微焦香，食落啖啖肉，配上香橙醬味道更清新。
Lavender Parfait ($98)
雪糕中間夾著果肉，表面鋪滿焦糖果仁脆脆，令口感更豐富～ 配上酸酸甜甜嘅雜莓汁，減低膩口感，為豐富一餐畫上完美句號～
Post
