INN - I’m Not Nothing (Closed)

呢間cafe bookmark咗好耐終於有機會試下，宮廷風設計相信係女仔都會鐘意，甜品好精緻，法式班戟必食❗️ 美國保濕豬鞍架配蜜桃芥末籽醬 $188保濕豬鞍用咗新嘅保濕技術去鎖住肉汁，令到肉質可以保持鬆軟，食落口感更嫩滑，咁當然廚師嘅火侯都掌握得好好，食落完全唔會柴，無論配蜜桃抑或芥末籽醬都好夾😋香蒜辣味鮮馬拉蜆欖油扁意粉 $128蜆肉飽滿肥美，而且都幾鮮甜，配埋香蒜同辣椒嚟吊一吊味就啱晒，味道更加豐富之餘又唔會遮蓋蜆嘅鮮味👍🏻肉桂蘋果杏仁片焦糖忌廉班戟 $78+$10班戟皮好軟熟，熱烘烘嘅肉桂同蘋果，配埋雲呢拿雪糕食，一凍一熱，加埋滿滿嘅杏仁片，口感好豐富，擺盤仲好靚😍