The Pudding Nouveau (Closed)

朋友最怕去啲過份熱鬧嘅餐廳, 今日為咗同佢慶祝生日, 就揀咗呢位於大坑嘅小餐廳, 店內裝修踏實卻不失格調, 店舖面積不大,就算坐滿人都唔會過份嘈吵。睇睇meun, 主菜全部有圖, 啱晒我呢啲以貌點菜嘅人！今晚決定試試餐廳主打Lobster Tail Angel Hair！Lobster Tail Angel Hair $198未上檯先聞到濃郁嘅龍蝦香氣！大大件龍蝦尾非常搶眼, 蝦肉豐厚爽彈, 以薑蔥烹調惹味得嚟又唔會太重口味, 意粉嘅軟硬度仲控制得啱啱好, 讚！Curry Cray Fish Croque Monsieur $148香脆麵包上覆蓋著一層香軟芝士, 餡料以咖喱小龍蝦代替Croque Monsieur嘅經典火腿餡。味道出奇地夾！預先聯絡餐廳仲可以幫手製造小驚喜。Deluxe Tiramisu $118一口包含一層cream、一層homemade ice cream、一層Tiramisu, 軟滑口感令人回味。Mocha $42 咖啡味香醇, 朱古力同奶味平衡得宜。Fresh Lime Mint Soda $48梳打酸度不低, 但勝在附上糖漿, 可以甜度可以自由控制。