麵道 (Closed)

因為工作嚟到石門，平時好少去這一區食嘢，這一日細心睇吓先見到原來好多食店。夜晚嘅時候好多人由工業或商業大廈步出放工，港鐵站旁邊亦有人Busking，加上少少樹上嘅燈泡燈光，感覺特別輕鬆舒服，這次我哋搵一間拉麵店食我哋嘅晚餐。小店感覺幾舒服，店員友善。我哋坐咗係一個安靜舒服嘅角落位，可以食拉麵嘅同時傾吓計。佢哋有好幾個湯底選擇今次我哋點咗一個期間限定嘅湯底：慢煮鴨胸蜆貝湯。另外一個就點咗比較感覺傳統嘅醬油豚骨湯。法式慢煮鴨胸蜆貝湯拉麵蜆貝湯鮮甜，湯裏面加了柚子及黑松露，更提升香味。 法式慢煮鴨胸感覺滑身，呢個配搭都幾啱女仔嘅口味。叉燒味玉豚骨醬油湯拉麵醬油湯拉麵一向係穩陣之選。湯底濃郁，糖心蛋好味，豚骨都好林。柚子味蓮藕片酸酸甜甜，前菜健康之選。啤酒炸雞鎚雞皮揸得香脆，雞肉幾滑橙味碳酸飲品酸甜適中，夠多氣，好味。作為小食都唔錯芝士天婦羅無骨雞翼已想不到份量幾大，雞翼被口口嘅芝士包圍着，感覺幾特別。雞翼已經去骨，方便客人進食，啖啖肉。整體而言，這間拉麵店感覺唔錯。下次可以點選其他湯底味道。