Video
Read full review
2019-02-15
137 views
去完台灣返嚟，就想食番其他菜式。食咗幾次日本菜，呢晚就同男友去食法國菜。朋友推薦呢間La Mer原來係藝人黃長興開嘅，不過邊個開唔重要，重要係食物質素！餐廳有set dinner，3－course最平$348，我哋索性點兩個set dinner。店員先送上餐包和餐前小食打響頭炮：Starter揀咗吞拿魚他他及招牌香蒜辣椒炒青口。青口超好食，用上法國青口，非常新鮮，值得一讚嘅係醬汁調配得好好，既有蒜香，亦帶有少少辣，食落惹味之餘又唔會遮蓋青口嘅鮮味！必點！吞拿魚他他份量精緻，不過味道唔錯，吞拿魚柔軟肥美，同脆多士同吃，增添口感。主菜點咗法式羊架寶雲酥，雖然知道係一人份量，但係份量實在比想象中『法式』。羊架肉質嫩滑，食落唔羶。我反而鍾意食法國雜錦海鮮意大利扁意粉多d，意粉煮得al dente，配搭青口及魷魚，只需簡簡單單加d蒜蓉已經鮮味十足。甜品係法式拿破崙，拿破崙酥皮做得尚算有水準，見到層層分明，夾住幼滑嘅吉士醬同酸酸甜甜嘅雜莓，為是晚法國菜劃上甜美嘅句號。PS 而家先知道openrice都有特價set dinner，$348多3隻生蠔，不過主菜同前菜選擇就有少少唔同。有興趣嘅朋友都可以
餐廳有set dinner，3－course最平$348，我哋索性點兩個set dinner。
店員先送上餐包和餐前小食打響頭炮：
Starter揀咗吞拿魚他他及招牌香蒜辣椒炒青口。
青口超好食，用上法國青口，非常新鮮，值得一讚嘅係醬汁調配得好好，既有蒜香，亦帶有少少辣，食落惹味之餘又唔會遮蓋青口嘅鮮味！必點！
吞拿魚他他份量精緻，不過味道唔錯，吞拿魚柔軟肥美，同脆多士同吃，增添口感。
主菜點咗法式羊架寶雲酥，雖然知道係一人份量，但係份量實在比想象中『法式』。羊架肉質嫩滑，食落唔羶。
我反而鍾意食法國雜錦海鮮意大利扁意粉多d，意粉煮得al dente，配搭青口及魷魚，只需簡簡單單加d蒜蓉已經鮮味十足。
甜品係法式拿破崙，拿破崙酥皮做得尚算有水準，見到層層分明，夾住幼滑嘅吉士醬同酸酸甜甜嘅雜莓，為是晚法國菜劃上甜美嘅句號。
PS 而家先知道openrice都有特價set dinner，$348多3隻生蠔，不過主菜同前菜選擇就有少少唔同。有興趣嘅朋友都可以望下。
Post
