Video
Read full review
2023-09-13
136 views
突如其來嘅黑雨，Stay咗係屋企休息，幸好下午解除晒暴雨警告，夜晚可以去屋企附近食吓嘢。星期五因黑雨停工，所以Megabox都比較靜，好彩5樓嘅法式餐廳有開，感謝店員係暴雨後仍然為顧客提供服務🙇🏻♀️不得不說，餐廳環境真係舒適，每張枱都鋪上純白枱布，座位寬闊，加上純白花花裝飾，感覺Grand得嚟又帶點法式慵懶感。今次同男朋友各點一份Executive Set Dinner menu for one($390)，可選一份Starter一份Main，仲有甜品，都好抵食🍽️法式香蒜蝸牛(6隻)————————————人生食過兩次法式蝸牛，一次係巴黎🇫🇷另一次就係度啦😆香港真係唔多餐廳有依道菜。食用蝸牛唔係香港平時天氣潮濕係地下見到嗰啲呀！可以放心食用👍🏼焗完後蝸牛肉變軟腍，帶少少嚼口，帶有獨有香氣，加上大量香蒜，好惹味，仲有薯蓉配搭，非常精緻。香煎鴨肝伴無花果汁————————————煎過後嘅鴨肝，香到爆嘅油脂湧出嚟，表皮少許香脆，入面軟嫩順滑，香氣逼人。配上一片香脆多士，正到爆，伴上無花果汁可減低油膩感。炭烤西班牙豬鞍扒伴脆薯條, 田園沙律————————————有炭烤香氣，烤過後仍然好ju
不得不說，餐廳環境真係舒適，每張枱都鋪上純白枱布，座位寬闊，加上純白花花裝飾，感覺Grand得嚟又帶點法式慵懶感。
今次同男朋友各點一份Executive Set Dinner menu for one($390)，可選一份Starter一份Main，仲有甜品，都好抵食🍽️
法式香蒜蝸牛(6隻)
————————————
人生食過兩次法式蝸牛，一次係巴黎🇫🇷另一次就係度啦😆香港真係唔多餐廳有依道菜。食用蝸牛唔係香港平時天氣潮濕係地下見到嗰啲呀！可以放心食用👍🏼焗完後蝸牛肉變軟腍，帶少少嚼口，帶有獨有香氣，加上大量香蒜，好惹味，仲有薯蓉配搭，非常精緻。
香煎鴨肝伴無花果汁
————————————
煎過後嘅鴨肝，香到爆嘅油脂湧出嚟，表皮少許香脆，入面軟嫩順滑，香氣逼人。配上一片香脆多士，正到爆，伴上無花果汁可減低油膩感。
炭烤西班牙豬鞍扒伴脆薯條, 田園沙律
————————————
有炭烤香氣，烤過後仍然好juicy，肉汁同油脂都鎖住係度，肉質唔韌冇筋，有結實感但易切易咬，肉味濃郁，好好食呀👍🏼
炭烤特級安格斯肉眼扒伴脆薯條, 田園沙律
————————————
點咗五成熟，果然做到想要嘅半生熟效果👍🏼烤得整塊肉眼扒好juicy，肉質軟嫩多汁，油脂分佈豐富，切落去肉汁爆滿！
最後仲有芒果芝士蛋糕做甜品，滿足晒！
Post
