Video
Read full review
2022-10-21
1662 views
路邊小店餐廳，見平時午餐時段都好多人排隊，今日晚餐過嚟試吓，可以Walk in 👌🏼我估成間店30個位左右，按比例廚房應該唔會好大，但係餐牌竟然有十一頁⋯ 我感受到主廚嘅雄心壯志 💪🏼扒類款式好多，價錢亦都超越一般小店。同一價錢，坐得舒服、食得開心嘅選擇，香港都好多。我第一次嚟，唔敢咁進取，點啲黑板寫咗有嘅餐先。嚟到碟頭都好大，嗰碟帶子沙律一般女士應該食唔晒。帶子係煮熱切粒，溫度、口感、鮮味都幾好。菜新鮮冇問題，沙律醋落得足，唔似有啲餐廳淨係面個浸有幾滴。法式雞髀長通粉，雞髀外脆內嫩，正呀。話自己法式，應該好注重果汁嘅質素，所以我選配長通粉，可以濕主食。主廚揸主意配咗個蘑菇汁出嚟，但係可能啲蘑菇係本地貨，冇乜味，果汁變咗好平凡。個湯同甜品，就非常一般。會再嚟食嘢，不過唔會叫呢兩樣。
我估成間店30個位左右，按比例廚房應該唔會好大，但係餐牌竟然有十一頁⋯ 我感受到主廚嘅雄心壯志 💪🏼
扒類款式好多，價錢亦都超越一般小店。同一價錢，坐得舒服、食得開心嘅選擇，香港都好多。我第一次嚟，唔敢咁進取，點啲黑板寫咗有嘅餐先。
嚟到碟頭都好大，嗰碟帶子沙律一般女士應該食唔晒。帶子係煮熱切粒，溫度、口感、鮮味都幾好。菜新鮮冇問題，沙律醋落得足，唔似有啲餐廳淨係面個浸有幾滴。
法式雞髀長通粉，雞髀外脆內嫩，正呀。話自己法式，應該好注重果汁嘅質素，所以我選配長通粉，可以濕主食。主廚揸主意配咗個蘑菇汁出嚟，但係可能啲蘑菇係本地貨，冇乜味，果汁變咗好平凡。
個湯同甜品，就非常一般。會再嚟食嘢，不過唔會叫呢兩樣。
Post
