Le Colonial

Open Now

Now Closed

忙碌左成個星期，應承左今日帶Miu 女去街街玩，睇左幾間餐廳，最後決定黎呢間係銅鑼灣fashion walk既越南餐廳。我叫左個越式三文治配薯條，同行既越南美食達人就叫左個越式可麗餅。可麗餅？唔係法國野黎架咩？（我白痴地問）去過咁多地方，食左咁多年越南野，我從來都無聽過越南有crepe食喎😨達人話就係知我見到都唔識叫，特登叫俾我試吓🙈諗諗吓又係喎，越南都曾幾係法國植民地，crepe有幾咁唔奇，只係我呢啲外行人，淨係識食生牛肉河啫🙈🙈對我黎講，兩道菜都好好味。越南crepe同法式既又係兩回事，好有新鮮感😍😍據講個crepe入面有黃薑粉，所以顔色特別鮮黃。夾住入面有臘腸，肉碎，芽菜，蝦等等…個crepe脆卜卜，切開細細份，再用生菜夾住，沾個汁黎食…🤩🤩🤩真係好好味喔！連達人都話呢度味道整得好正宗👍🏻如果佢唔教我真係唔識得食囉🥹至於我份三文治，入面有扎肉，少少鴨肝醬，蔬菜，炸過既肉鬆…味道幾有層次👍🏻達人就話佢個法包做得好好，每一啖都好脆，似係自家製。佢唔講，我又真係唔會留意到囉🙈今餐真係有她真好🙌🏻飲品方面，lime&mint tea好清新，又唔甜啱哂我。熱既4 fruit tea就反而比