Video
Read full review
2016-07-29
3181 views
今日去到堅尼地城試一間法式bistro - Bistro du Vin曾經去過巴黎同南法，真係好中意好中意南法嘅蔚藍海岸！對住地中海果一片海真係呢生人見過最純粹嘅藍。好，拉遠左。想講嘅係開係西環海旁呢間小小bistro，令我諗返起尼斯果段一睜開眼睛就係一望無際嘅海岸線嘅日子，心裡面默默唱住梁靜茹嘅 "蔚藍海岸 遺忘你的遠方"，好懷念果啲悠悠海風吹過嘅時光呀。入到門口就見到呢6支巨型酒。問過先知呢個size嘅酒叫magnum，係我地平時飲開standard size嘅2倍！而佢地嘅價錢就唔止係貴左一個double咁簡單啦，因為magnum wine係需要更長嘅時間去釀製，而佢地嘅品質亦因此比普通wine高上幾grade。Bistro入面，有少少暗，牆上有好多畫呀裝飾呀，都有feel嘅。感覺到想營造法辦風情嘅誠意～1.最中意食帶子，呢度嘅煎帶子配牛油唔錯，隻帶子夠大隻又厚身，又冇煎得過熟。2.Suckling Pig Confit唔好睇佢個樣就好似燒豬咁，呢度整到皮夠脆之餘下面薄薄果層肉又唔會乾，最緊要係唔會食落覺得油膩！值得一試。3.Rosemary Butter Roast Chick
今日去到堅尼地城試一間法式bistro - Bistro du Vin
曾經去過巴黎同南法，真係好中意好中意南法嘅蔚藍海岸！對住地中海果一片海真係呢生人見過最純粹嘅藍。好，拉遠左。想講嘅係開係西環海旁呢間小小bistro，令我諗返起尼斯果段一睜開眼睛就係一望無際嘅海岸線嘅日子，心裡面默默唱住梁靜茹嘅 "蔚藍海岸 遺忘你的遠方"，好懷念果啲悠悠海風吹過嘅時光呀。
入到門口就見到呢6支巨型酒。問過先知呢個size嘅酒叫magnum，係我地平時飲開standard size嘅2倍！而佢地嘅價錢就唔止係貴左一個double咁簡單啦，因為magnum wine係需要更長嘅時間去釀製，而佢地嘅品質亦因此比普通wine高上幾grade。
Bistro入面，有少少暗，牆上有好多畫呀裝飾呀，都有feel嘅。感覺到想營造法辦風情嘅誠意～
1.最中意食帶子，呢度嘅煎帶子配牛油唔錯，隻帶子夠大隻又厚身，又冇煎得過熟。
2.Suckling Pig Confit唔好睇佢個樣就好似燒豬咁，呢度整到皮夠脆之餘下面薄薄果層肉又唔會乾，最緊要係唔會食落覺得油膩！值得一試。
3.Rosemary Butter Roast Chicken，燒好會全隻連埋Rosemary上左檯比我地欣賞下先，然後再拎去切，配埋青豆。嗯，首先青豆係我頭號敵人之一。隻雞呢，頭幾啖真係好香口好好味，但係好快就好易覺得溜。
4.最後黎嘅橙酒Souffle係highlight! 中意Souffle入口即溶嘅空氣感，而難得嘅係橙酒嘅味道反而會係口入面縈繞不散。配角朱古力雪糕都好有水準，朱古力味好濃又夠滑！估唔到最欣賞係個甜品，哈哈。
整體而言係好味嘅。法國菜黎講價錢都叫都值得（法國菜一向貴._.）。
黎嘅記住book位~ 望落都幾full呢。
Post
