Le Grande Bleu (Closed)

呢日同男朋友慶祝周年紀念，佢帶左我黎跑馬地呢間法國餐廳食dinner，好驚喜。門口望落去好低調，入到去見到餐廳有open kitchen ，可以欣賞廚師烹調過程。晚市有兩個set可以選擇，分別係signature set同埋premium set，今次揀咗平啲嘅signature set，$680一位。另外仲可以加$168任飲酒。首先有羊肚菌忌廉蘑菇湯，湯好濃郁，仲有粒粒蘑菇既口感。前菜係日本帶子伴煙三文魚刁草慕絲，帶子大大粒，好鮮甜。下一道菜係慢煮鮮鮑魚伴鮑魚肝醬，好高級。另外仲有白花膠伴法式藜麥白汁，係平時西餐好少見到嘅菜式。最後一道菜係新派意大利飯，有三款細細碗嘅意大利飯，分別加入咗魚籽醬、三文魚子同埋燒汁鮑魚。甜品可以揀蘋果金寶蛋糕或者柚子芝士蛋糕，我哋每樣點咗一件，兩樣都有靚又好食。