Bistro Breton by La Creperie (Closed)

法國大餐，多數都有魚。真係，呢餐有三種魚。前菜，先來個魚湯。貌似龍蝦湯，配以芝士絲及小脆多士，飲落有魚味，香滑，一贊。天婦羅白魚，外脆內軟，宜伴酒。虎蝦意粉，虎蝦當然大隻，有三隻，蝦肉夠爽。意粉軟硬度適中，味道唔錯。煙三文魚，伴有大力菜及芝士，用法國可麗薄餅包住，中間加隻半生熟太陽蛋。賣相已經唔錯，呢個主菜有蛋，有菜，有魚，有餅有芝士，包羅萬有，食落當然亦都係唔錯啦。至於紅白酒，都係普通貨色，唔會難入口。甜品，有咖啡焦糖布丁，喜歡食甜品的人士，一定喜歡。但對於我來講是稍為甜了一點。