八一蕃巴蜀烤魚店 (鱟地坊)

Open Now

Now Closed

之前喺鱟地坊打冷後，經過呢間烤魚店，見到入面full house, 近期又好鍾意食烤魚，叫埋朋友陪我一齊食。店舖全木系裝修加玻璃牆，牆上貼滿菜單同相片。多盞吊燈和射燈令店鋪非常光猛。雖然店舖無窗，玻璃門又長期關上，但又確實感覺唔到油煙味喎。每張枱附上一壺湯，客人可以自行加湯，唔使成日叫侍應。呢度可以食烤魚、打邊爐之外，亦主打雞煲。見到menu上有四種烤魚，六種辣味，另外有唔辣嘅酸菜味、蕃茄味烤魚。平時喺其他烤魚店，香辣味、酸菜味、蕃茄味烤魚食得多，今次特登揀咗泡椒味、少骨肉嫩嘅海鱸魚。✔️海鱸魚原條$288侍應端上烤魚，已經覺得好有份量，上面勁多大大粒嘅泡椒，雖然湯底叫咗小辣，但係擔心泡椒越浸越辣，過咗幾分鐘之後就夾走咗圓轆轆嘅泡椒，底下嗰層係剁碎左嘅黃色泡椒同辣豆豉，湯汁係特製嘅，甜甜辣辣好好味，提升晒魚同配菜嘅美味度！海鱸魚經過香料醃製，再上架烤至外皮金黃色，然後放落湯煨至入味，魚肉多汁又滑。除咗一條過大骨之外，小刺都好少，而且肉質結實唔鬆散，一夾就起到一大塊！每份烤魚都附送配料：寬粉皮、大豆芽、豆皮，寬粉皮比出邊食到嘅更闊，好啱用嚟打邊爐或者落湯食，完全吸收晒湯嘅精華，豆皮比腐皮結