譚仔雲南米線 (港威商場)

Open Now

Now Closed

平時都點開普通酸辣，鍾意佢夠酸，又開胃。今日lunch就嚟試下新湯底泡椒酸辣魚湯底試下。叫返平時必叫配料－雞肉、生菜（低卡之選）。湯底可以揀辣度（最低5小辣），咁我就揀左3小辣。首先飲啖湯試下，就覺得同平時嘅酸辣其實分別真係不大。睇落去係多左好多酸菜同泡椒，間唔中會食到果陣椒嘅刺辣味，但係大部分時間都食落去同一般酸辣冇咩分別，只係辣左啲，因為普通酸辣冇得揀辣度，固定左。完全食唔到魚湯「鮮」味。所以結論係，如果要加$4 蚊轉呢個湯底，就個人覺得有啲唔太值得，可以繼續食返普通酸辣。