Video
Read full review
2014-08-29
3483 views
講到西班牙，小弟依啲波牛就淨喺識西甲嘅皇馬、巴塞、西維爾、馬體會……等等，當然，仲有鬥牛啦。早前曾從飲食雜誌嘅介紹，知道依間原來喺全港首間巴塞隆拿咖啡店，跟西班牙銷量第一嘅咖啡豆品牌Novell合作所開，雖然唔喺捧著咩朝聖心態，但總有一份好奇。餐廳位處厚福街H8食廈，佔足2樓全層，地方寬敞。裝修甚具特色，灰白牆磚、馬賽克地磚、仿教教彩色玻璃、色彩鮮明嘅掛畫、動物彩繪……等等，都展現獨特個性 。店中大多數都喺2-6人枱，亦有少量單邊個人位，而水吧採開放式，猶如酒吧吧位一樣，一個人安坐嘆吓咖啡都唔錯。食物方面，既然喺巴塞隆拿咖啡店，咖啡自然喺亮點，加埋大熱嘅西班牙輕食（Tapas）、亦有多款西班牙主菜菜式，不過，仲加插台式嘅花果茶、沙冰、咖啡，以及窩夫、多款甜品，顯然唔喺獨一賣「西班牙」味道，明攻後生一群，只喺以西班牙風作幌子 。我哋先嚟一系列飲品先，邊談邊飲，邊飲邊等！ 泡沫咖啡 $36 五顏六色嘅咖啡杯，已令人睇得開朗，泡沫咖啡甚少拉花，但一樣拉個心形，讓飲嘅人都要時刻心情開朗。甘苦味平衡，入口醇香細滑，喺總結朋友嘅意見。果然，咖啡確喺出色之作 ！ 鮮奇異果汁茉莉綠茶
餐廳位處厚福街H8食廈，佔足2樓全層，地方寬敞。裝修甚具特色，灰白牆磚、馬賽克地磚、仿教教彩色玻璃、色彩鮮明嘅掛畫、動物彩繪……等等，都展現獨特個性 。
店中大多數都喺2-6人枱，亦有少量單邊個人位，而水吧採開放式，猶如酒吧吧位一樣，一個人安坐嘆吓咖啡都唔錯。
食物方面，既然喺巴塞隆拿咖啡店，咖啡自然喺亮點，加埋大熱嘅西班牙輕食（Tapas）、亦有多款西班牙主菜菜式，不過，仲加插台式嘅花果茶、沙冰、咖啡，以及窩夫、多款甜品，顯然唔喺獨一賣「西班牙」味道，明攻後生一群，只喺以西班牙風作幌子 。
我哋先嚟一系列飲品先，邊談邊飲，邊飲邊等！泡沫咖啡 $36
五顏六色嘅咖啡杯，已令人睇得開朗，泡沫咖啡甚少拉花，但一樣拉個心形，讓飲嘅人都要時刻心情開朗。甘苦味平衡，入口醇香細滑，喺總結朋友嘅意見。果然，咖啡確喺出色之作 ！
鮮奇異果汁茉莉綠茶 $38 其實就喺以鮮奇異果汁加入茉莉綠茶，賣相麻麻，但味道都幾夾，應該加咗少許糖漿，帶有少少甜味，而綠茶中又滲有奇異果味，果味亦算濃郁。
鮮草莓汁茉莉綠茶 $38朋友覺得偏甜，可能糖漿落得重手咗，不過，依然草莓果味突出，茶香幽幽。
招牌水果茶 $42（熱）/ $46（凍）以茉莉茶為底，杯內好多生果粒粒，不過，朋友話稍嫌果汁味重，有啲冚過茶味，而且，可能糖漿墜底攪唔勻，飲到尾變得頗甜。
草莓蜜桃沙冰 $42 好有陽光氣色嘅草莓蜜桃沙冰，望見都透心涼，沙冰打得幼細綿滑，味道充滿草莓及蜜桃香味。唯一問題，就喺溶得非常快！其實，作為飯後甜品都可以喎。
幾樣食物，好快輪流上枱，喺時候開餐吧！黑松露醬薯條 $48
香口嘢一向甚受人歡迎，如果香脆嘅薯條加埋黑松露醬喺咪非常吸引呢？以沙律醬加黑松露醬所做成嘅醬汁，淋晌新鮮即炸嘅薯條上，黑松露嘅香味唔算好強，但不一會，足夠通殺。
西班牙火腿菠菜奄列 $58 西班牙奄列成個大餅咁形，兼且體積相當大份，切開仲有蛋汁流出，口感仍保留少少嫩滑。其實要煎成咁嘅形狀，底面都有薄薄蛋皮包住，實在唔喺易事，相當考功夫 。奄列內唔止有火腿、菠菜，且有薯仔、洋葱，非常豐富，亦甚飽肚，認真難以叫佢做輕食呀。
海鮮西班牙炒飯 $98 正式嘅西班牙炒飯（Paella）一向都喺大鑊飯嚟，Espuma嘅海鮮西班牙炒飯就來得的骰精緻，賣相搶眼。飯粒分明有嚼勁，滿滿茄香，微酸少辣，而海鮮料又好有睇頭：虎蝦、青口、墨魚仔，交足貨無欺場，用料質素亦不俗，虎蝦肉質爽口，墨魚仔柔韌好食 。
炸魚柳配厚切薯條 $68 一小桶薯條加兩大條炸魚柳，只賣$68實在非常之抵食，難得嘅喺炸得金黃嘅魚柳熱辣辣，又甘香脆口，肉質亦唔差添，沾一點自家調製過嘅醬汁，的確滋味。
西班牙風味薄餅 $68好簡單一道風味薄餅，餡料就只有濃香嘅鮮茄醬、微辣嘅西班牙辣香腸、綿綿絲絲嘅莫沙里拉芝士和少少香葉，唔花巧，純味道嘅品嚐，然而薄餅底質感較似厚身嘅餅乾，還好咬落蠻脆身。
番茄蒜蓉香草虎蝦 $88 晌電梯旁「黑板」就有手寫每日嘅特別菜式，依道烤虎蝦就喺其中之一，一客4件虎蝦，烤香之後再加上蕃茄粒，並配以蒜蓉香草醬，個人覺得虎蝦燒得啱啱好，有燒烤嘅香氣，肉質爽彈，沾蒜蓉香草醬亦都惹味，不過蕃茄粒似乎發揮唔到咩作用 。
鮮茄刁草燉龍脷三文 $128 另一道「黑板」是日特別菜式，特別之處既用龍脷，又用三文，平時就一魚兩食，今次就兩魚一食。小弟幾鍾意佢個鮮茄刁草汁做得香濃鮮活，以慢火細燉，兩款魚柳都浸淫晌醬汁之中，龍脷入口嫩滑，三文則較挺身有油香 。
最後嘅甜品時段，同樣精彩！香草玉桂菠蘿窩夫配雪糕 $48 / half，$78 / full
店中嘅窩夫以水河滴造型，幾別出心裁，窩夫烤得幾鬆脆，蛋香都OK啦，上面淋咗好多香滑嘅吉士同玉桂菠蘿蓉，啱晒小弟口味，清香甜蜜，而雲呢拿雪糕球都變得次要了！
焦糖榛子浮島 $52 白如雪嘅蛋白球，伴以雲呢拿汁及焦糖榛子仁，賣相已經一流。蛋白球入口口感輕柔，如食棉花糖般，而醬汁輕盈少甜，榛子仁焦香香脆，幾有趣嘅甜品，不過，定價覺得有點貴 。
伯爵茶焦糖燉蛋 $58 咪睇少個燉蛋平平無奇，真正有內函，面層焦糖做得既薄且脆，內裡嘅燉蛋甚有伯爵茶香，非常突出，餘韻悠長，入口亦都軟軟滑滑，頗具水準嘅法式滋味。
西班牙油條 $48 Churros依個西班牙甜點出晒名唔使再多作介紹，「油條」咬落柔韌香脆，輕輕一層沙糖，唔過甜，不過嫌玉桂味單薄，沾上香濃朱古力漿，幾窩心嘅甜品。
最後「著數」一提，晌餐牌頁有個推廣活動 ：「Like Us & Post Picture」會送一客是日甜品，不妨用盡依個著數喎 。
問店員店名Espuma何解？原來西班牙文解作「泡沫」之意，泡沫俾人有種捉唔實、輕飄飄嘅感覺。如果你一心打算嚟食西班牙菜可能會有少少捉唔實嘅失望，但作為一間咖啡店，佢又實在選擇多多，讓你輕飄飄有慢活嘅感覺。再次感謝友人邀請，出席是次試食活動！
Other Info. :
文末已表明得友人邀請出席是次活動，只喺方便食友閱讀此文作為資訊參考，暫未剔為「試食活動」，稍後將主動改為「試食活動」。
(The above review is the personal opinion of a user which does not represent OpenRice's point of view.)
Post
