Running 燒 (Closed)

將軍澳好鬼少任食嘅餐廳 但係竟然比我搵到一間都開咗一間嘅韓燒餐廳 環境幾舒服 坐得都幾闊落我同媽咪兩個人最鍾意就係食生蠔 呢度除咗有普通嘅生蠔之外都有芝士生蠔等等 芝士嘅份量超多 啱晒我呢啲最鍾意食芝士嘅人 不過值得一提嘅係佢呢度除咗有唔同嘅肉類之外 佢提供嘅蔬菜款式唔少 尤其係紫薯翠玉瓜等等 其實燒起上嚟都幾好食 而肉類方面有齊哂豬羊牛雞，佢哋嘅牛唔會話好薄身，尤其係佢哋嘅牛舌都幾好食，好有咬口。熟食方面，佢哋提供左唔少選擇，尤其係佢哋嘅泡菜餃子真係特別好食，唔會話好油好辣，自己都忍唔住食咗四舊