波仔

Open Now

Now Closed

波仔一向都係好多人嘅方便之選，屋企雪櫃總有一盒傍身，適逢歐洲國家杯將至，又要買定d準備挨夜睇波食；今次來到新開嘅概念店，有埋熟食同飲品賣，又點可以唔試？珍珠雞 :一場黎到梗係要試下佢地嘅熟食，$15有兩件珍珠雞，都算抵食。餡料有雞肉、冬菇及蛋黃，熱辣辣好有茶樓風味。花生眉豆燉雞腳湯 :$35大大碗，有大量花生眉豆，仲有兩至三隻雞腳，相當足料。飲落火候十足，完全無加味精，飲完感覺全身暖和。魚籽豬肉燒賣 :一盒有六粒，叮完已經聞到好香嘅冬菇味，豬肉飽滿多汁，六粒真係話咁快就食晒。香辣豬肉炒河 :呢款豬肉炒河係新出品，叮完都唔會好乾，豬肉份量幾多，辣辣地相當惹味。咖哩牛腩飯 :牛腩叮完都唔會太韌，港式咖哩香濃惹味，送飯食一流。椰汁紫米露 :波仔甜品永遠係我嘅最愛，每次經過都忍唔住買返碗返屋企慢慢嘆，當中最喜歡紫米露，椰汁味好香濃，味道唔太甜，大大碗分開幾次食都得。焙茶虎堅果燕麥奶特調 :焙茶味香濃，燕麥奶好幼滑，味道唔太甜。