波士冰室 (Closed)

小菜除咗大排檔好食，跟住都應該係茶餐廳，當然唔計果啲高級中菜廳😂今晚去探朋友，朋友帶我去附近食茶記，話啲小菜有水準，我緊係無異議啦。小菜餐跟飯及飲品，見到杯特飲個名咁得意就叫嚟試下，杯特飲叫做黑糖冰波咖啡。原來係將黑糖做成波形的冰，放入咖啡。所以剛剛飲時，咖啡味比較濃，後邊會發現甜味增加，但又唔會去到好甜，唔錯。我哋叫咗兩個小菜， 蒜蓉炒西蘭花同埋京都焗肉排。西蘭花無煮過火，上菜時仍然鮮綠，保持到爽口的口感。 蒜蓉醬好多，所以基本上每一啖西蘭花都會有好重蒜頭味，啱晒我👍🏻京都焗肉排都好有水準，醬汁酸甜味做得剛剛好，食到停唔到口，加上肉排都好入味，唔會比大排檔差，朋友果然無介紹錯。如果大家去開附近，都可以試下呢一間茶記。