Rosie

Open Now

Now Closed

Rosie@葵芳廣場今次朋友帶咗我去呢間位於屋邨入邊嘅隱世咖啡店。網上睇人講Rosie 既位置好難搵，但佢其實就係葵芳站D出口，葵廣附近向住葵芳邨方向行去，唔駛3分鐘就到。Rosie嘅裝修就崇尚簡樸嘅風格，唔會太過花巧。店入邊運用咗純白牆身同木系檯椅嘅佈置，帶啲波希米亞風，同時有少量石製品同本地陶瓷藝術作品擺設。依度主打嘅就係佢哋嘅pasta，所以我哋都叫咗一個同埋其他甜品嚟試試：🍝柚子青口大管粉個青口食落幾鮮甜又夠肉地，又有淡淡的柚子味道，食落幾fresh。而大管粉平時好少食到，食落都幾得意又過癮。🥪流心蛋三文治呢個蛋治算係我食過比較高質嘅一次，雖然都只係普通餡料，但香酥脆既麵包夾帶住絲絲甜味，咬落去有流心蛋黃爆出嚟嘅蛋液同埋好有質感嘅蛋碎、蛋沙律同生菜。咬咗一啖個包都唔會散晒或者崩塌。🍤蝦多士我哋都另外點咗個蝦多士作為小食，食落夠脆口、不過不失咁。🧇紫白配牛角酥窩夫呢個都係一個比較signature嘅打卡菜式，擺盤非常有心機。紫白相間既忌廉分別為藍莓同奶油忌廉，表面灑上鮮艷百撘既雜莓，仲伴埋泰式奶茶味嘅雪糕！視覺效果非常好。