Video
Read full review
2021-10-21
242 views
我之前已經嚟過「Boholic」食晏，質素唔錯。朋友早前食生日飯有話過想嚟呢度，但太遲訂枱，星期五晚一早無晒位嚕🙈。有見及此，我哋再約食飯，毫不猶豫就揀選呢間餐廳，並預先訂座。呢度環境靚靚💕，門口有一大個梳化打卡位，而室內裝修貫徹波希米亞風，舒服好睇得嚟唔會太姣，你知啦有啲男仔好鬼怕粉紅色嗰種少女風。餐廳午市同晚市賣嘅菜式差唔多🍽，不過價錢上午餐應該會平少少。雖然呢度主打西式料理，都係肉扒類同意粉等，但菜式嘅設計同食材配搭明顯有花上心思👍。香煎慢煮牛腹肉伴牛油蒜香珊瑚蚌配阿根廷青醬($268)，呢碟牛扒嘅賣相就好似藝術品一樣，色彩繽紛🎨。牛腹肉肉身呈粉紅色，生熟度約五成，肉質細嫩，肥瘦適中🥩，建議可沾阿根廷青醬食。另外，菜式配以珊瑚蚌，打邊爐就食得多，但就好少出現喺西餐上面。珊瑚蚌味道鮮甜，而且非常爽口。其他伴菜仲有南瓜蓉、西蘭花苗同紅蘿蔔等。香煎鵝肝牛肝菌意大利飯($168)，🍚意大利飯好大碟，適合二人或以上分享。意大利飯口感正宗，飯粒大大粒，帶點咬口，濕潤度高。另一邊廂，即使未將飯放入口，但離遠都已經聞到好香牛肝菌味🍄，而食落亦一樣感覺，每啖都好濃郁。飯面放上一大件香煎鵝肝，外層煎
我之前已經嚟過「Boholic」食晏，質素唔錯。朋友早前食生日飯有話過想嚟呢度，但太遲訂枱，星期五晚一早無晒位嚕🙈。有見及此，我哋再約食飯，毫不猶豫就揀選呢間餐廳，並預先訂座。
呢度環境靚靚💕，門口有一大個梳化打卡位，而室內裝修貫徹波希米亞風，舒服好睇得嚟唔會太姣，你知啦有啲男仔好鬼怕粉紅色嗰種少女風。
餐廳午市同晚市賣嘅菜式差唔多🍽，不過價錢上午餐應該會平少少。雖然呢度主打西式料理，都係肉扒類同意粉等，但菜式嘅設計同食材配搭明顯有花上心思👍。
香煎慢煮牛腹肉伴牛油蒜香珊瑚蚌配阿根廷青醬
$268
9 views
0 likes
0 comments
香煎慢煮牛腹肉伴牛油蒜香珊瑚蚌配阿根廷青醬($268)，呢碟牛扒嘅賣相就好似藝術品一樣，色彩繽紛🎨。牛腹肉肉身呈粉紅色，生熟度約五成，肉質細嫩，肥瘦適中🥩，建議可沾阿根廷青醬食。另外，菜式配以珊瑚蚌，打邊爐就食得多，但就好少出現喺西餐上面。珊瑚蚌味道鮮甜，而且非常爽口。其他伴菜仲有南瓜蓉、西蘭花苗同紅蘿蔔等。
香煎鵝肝牛肝菌意大利飯($168)，🍚意大利飯好大碟，適合二人或以上分享。意大利飯口感正宗，飯粒大大粒，帶點咬口，濕潤度高。另一邊廂，即使未將飯放入口，但離遠都已經聞到好香牛肝菌味🍄，而食落亦一樣感覺，每啖都好濃郁。飯面放上一大件香煎鵝肝，外層煎得幾香脆，但內裡就略嫌生咗少少，食唔慣。
洛神花巴斯克烤微焦芝士蛋糕
$52
12 views
0 likes
0 comments
Smoothie
$52
10 views
0 likes
0 comments
總括嚟講，Boholic再次無令人失望😍，佢貴為一間打卡店，但唔止係得個靚樣，食物味道都有返咁上下水準。我認為定價有少少貴，不過都值得嘅。如果想嚟幫襯，又想經濟啲，不妨考慮午市嚟吖✨！
Post
