Simplylife The East The West (Closed)

Christmas Eve 公司放早，結果帶埋阿女返工，返三個鐘，放1pm 就同兩位同事去食X’mas lunch。都有好一排無去過Simplylife，大約等左15分鐘都有位了，之後點左兩個西式lunch set 再加一個辣肉碎炒飯同一個芒果黑糯米飯，四個人share 食！蘑菇湯好creamy 同好香菇菇味，啖啖都好多蘑菇碎，法國麵包外脆內軟，硬得黎係易咬得開。忌廉汁紐紋粉好好味，忌廉味帶少少芝士味，紐紋粉軟硬度又啱啱好，阿女好喜歡！雜菌芝士薄餅，薄餅夠脆又薄身，菇菇味勁濃，芝士多而不膩。至於個辣肉碎炒飯，真係夠香夠辣，但唔啱小朋友食。阿女自己點既芒果黑糯米飯就一般般，同傳統既泰式芒果糯米飯有一d距離。店內環境唔錯，坐得都幾舒服，唯獨有一位服務員態度麻麻，對住客人有d黑面！