Video
Read full review
2021-07-11
432 views
以往多數都係食西式下午茶，打卡都靚啲～ 但係個fd係想特別啲，所以小編就試下呢間，幾有驚喜！高質得嚟賣相唔錯，坐到玻璃窗位，睇到海景😍 整體鹹點比甜點出色，野飲方面竟然有得揀shaved ice、cocktail / mocktail而唔洗加錢，真係好抵～ 呢個tea set值得一試👍🏻 Tea set既組合彈性，可以單叫鹹食或者甜食，又可以兩種都試晒，fit到唔同人既需要～柚子蟹肉沙律 🍊🦀🥗 (好味指數：😍😍😍😍)柚子好多，拆得既細同平均，蟹肉偏大舊，鹹鹹地幾有鮮味，另外有啲洋蔥同埋花生粒🥜 都幾惹味，不過如果柚子、蟹肉同其他配料個比例可以再調一調，宜家既柚子有啲太多斑蘭葉嫩雞卷 🌱🐥🍘 (好味指數：😍😍😍😍)打開斑蘭葉🌱既時候，聽到炸得好脆既聲音，好有拍ASMR既feel～ 不過雞肉有小小實，未至於韌，只係再嫩滑啲就更好，雖然呢個卷既火候🔥要恰到好處係有啲難捉摸！有幾香既斑蘭味，唔會蓋過個雞既味之餘反而突出左雞既鮮味，點埋個芝麻甜豉油，酸酸甜甜仲正～ 確保唔會漏鮮蝦扎肉米紙卷 🦐🍖🌯 (好味指數：😍😍🤩)呢個食落太淡，即使點左啲甜甜地既泰國甜醋，但本身個餡就無咩味，所以只係勉強吊
Afternoon tea set
19 views
0 likes
0 comments
柚子蟹肉沙律 🍊🦀🥗 (好味指數：😍😍😍😍)
柚子好多，拆得既細同平均，蟹肉偏大舊，鹹鹹地幾有鮮味，另外有啲洋蔥同埋花生粒🥜 都幾惹味，不過如果柚子、蟹肉同其他配料個比例可以再調一調，宜家既柚子有啲太多
斑蘭葉嫩雞卷 🌱🐥🍘 (好味指數：😍😍😍😍)
打開斑蘭葉🌱既時候，聽到炸得好脆既聲音，好有拍ASMR既feel～ 不過雞肉有小小實，未至於韌，只係再嫩滑啲就更好，雖然呢個卷既火候🔥要恰到好處係有啲難捉摸！有幾香既斑蘭味，唔會蓋過個雞既味之餘反而突出左雞既鮮味，點埋個芝麻甜豉油，酸酸甜甜仲正～ 確保唔會漏
鮮蝦扎肉米紙卷 🦐🍖🌯 (好味指數：😍😍🤩)
呢個食落太淡，即使點左啲甜甜地既泰國甜醋，但本身個餡就無咩味，所以只係勉強吊出左食材本身既鮮味。蝦肉算爽口，扎肉偏淡，整體配搭都爽脆同清新，個米紙🌯 薄得嚟有啲張力，幾有咬口～
炭燒牛肉沙嗲 🔥🐮🍢 (好味指數：😍😍😍😍🤩)
個沙嗲醬真係好好食，食到花生🥜既香味同椰香但又唔會漏，好惹味～ 同時帶出個牛味，表面微微炭燒過，唔會好燶之餘已經有燒肉既風味，不過個牛味可以再重啲，宜家有少少俾醃料搶左味，但都嫩滑！
脆炸軟殼蟹 🦀🦀 (好味指數：😍😍😍😍)
好脆，亦都有鮮味，亦唔會話會膩～ 可以點甜辣醬食，個醬以甜為主，令個蟹更清新，至於點黃咖哩食又係另一種滋味，食落更加香口！不過只有一隻蟹腳，兩個人既tea set如果有多一隻，就可以一人一隻會好分啲～
迷你黃咖哩農夫包 🥘🥯 (好味指數：😍😍😍😍😍)
呢個真係好好食～ 個黃咖哩係杰身既，好香濃，雖然只有少量蔬菜，但令人更加專注喺個咖哩味上面，而唔係關心個肉味～ 同埋個農夫包咬落去出面鬆軟，入面有啲煙韌，索晒香濃既咖哩汁，又唔會因為浸喺汁太耐而令到個包變左糊糊地或者淋左，食完真係好滿足！隔離枱嫌麻煩無食埋農夫包既身真係暴殄天物！真係要挑剔既話就係唔夠農夫包，只要有咖哩就可以不斷encore~
香芒糯米飯 🥭🍚 (好味指數：😍😍😍🤩)
呢個係食泰式餐廳既經典甜品，水仙芒清新香甜，糯米飯煙煙韌韌得嚟偏硬，因為以往出面食開既係偏軟身，呢隻硬啲煙韌更加有咬口，唔會一pat pat咁幾好，配埋椰汁🥥幾香～ 只係芒果同椰汁比較少，加上椰汁偏杰身，食到後面會稍微濟啲
泰式斑蘭千層糕 🌱🍰 (好味指數：😍😍😍)
有啲太黏，斑蘭同椰汁🥥既層次唔夠分明，同埋有啲似廁所香薰味... 接唔接受到就見人見智啦～ 食落尚算香甜軟糯
翡翠西米丸子 🍡 (好味指數：😍😍😍🤩)
綠色、同黃色、粉紅色既唔同味，綠色既丸子有淡淡既斑蘭味，裡面見到有一粒粒西米，但係比較黏，食落似一團西米整既糕，又未至於會變一pat pat咁，配埋出面既椰絲，甜度適中；而黃色同粉紅色既丸子裡面係椰絲，有啲似雞尾包既餡咁，幾好食，但有啲漏
椰汁西米糕 🥥 (好味指數：😍😍😍😍)
呢個係另一個經典甜品，有班蘭葉🌱包住，椰汁忌廉下面有芋頭粒、西米同粟米粒，有好香既椰奶味，係兒時既味道😍 如果上面加埋粒粟米個賣相就perfect~
Pineapple Shaved Ice with Mixed Berries🍍🍓🍒🍧 (好味指數：😍😍😍🤩)
呢杯刨冰特飲幾清新，個base有菠蘿本身馥郁既香甜，應該另外有落到一啲罐頭菠蘿既糖水，下面仲有雜莓，所以味道都幾豐富，不過無令人有耳目一新或者好特別既感覺，同埋如果個刨冰重啲菠蘿味就會正啲
Shaved Ice with Mango Sticky Ice 🥭🍚🍧(好味指數：😍😍😍😍🤩)
雖然香芒糯米飯係好常見既泰式甜品，但變成刨冰好新穎！刨冰係新鮮芒果味，唔係Jelly粉既人工味，好似沙冰咁幼滑香甜，上面淋左啲椰汁🥥，無糯米飯上面既咁杰，配喺個冰到真係好香又唔漏，個飯係之前嗰種煙韌偏硬既質地，全部夾埋一齊真係好正，得意過就咁食芒果糯米飯，唯一唔好係飯硬左啲，喺畢飯連冰既時候有啲難，比較易倒瀉
好味指數：😍😍😍😍
推介指數：😍😍😍😍
Post
