Video
Read full review
2023-03-18
206 views
公司附近就係駿業街熟食市場，一直都冇去過，但今晚真係太肚餓，又唔想食飯盒，即管試吓啦。一上到去1樓就見到呢間「泰串越盞」，就睇吓有幾串先🤭。泰式同越式嘅餸菜都有，而且款式仲唔少。鍾意食東南亞風味嘅朋友真係有啲難揀。📍 #泰式生蝦 (💰$78) 泰式生蝦而家都唔係度度有得食，梗係即刻嗌返個啦。生蝦夠新鮮，肉質爽嫩，加埋個醬汁少少酸甜，清新，推介推介！📍 #泰式鳳爪 (💰$58) 無骨鳳爪夠入味，而且分量十足，唔會好似有啲舖頭沙律菜多個雞腳🤣📍 #炭燒墨魚頭 (💰$88) 先頭都有啲驚炭燒會搞到墨魚頭好乾身，點知食落又非常之juicy。本身話冇乜興趣嘅同事都食咗好多，好彩夠大碟，滿足。📍 #越南春卷 (💰$58) 一碟四件，切開一半變八件。包埋生菜，入口size 剛剛好。即叫即炸，夠熱而且唔會好油膩，感覺一流。📍 #越式牛柳沙律 (💰$68) 牛柳唔會煮得過熟，一口size，加埋沙律口感都好夾，大碟夾抵食！雖然熟食市場嘅餐廳裝修都唔可以同商場比較，但係呢度都非常企理乾淨，識得放心。而且店員亦都好有禮貌，好細心。蔗渣價錢，燒鵝味道，呢度嘅性價比十足。真係唔好睇小熟食市場入邊嘅餐廳。下次多啲人
一上到去1樓就見到呢間「泰串越盞」，就睇吓有幾串先🤭。
泰式同越式嘅餸菜都有，而且款式仲唔少。鍾意食東南亞風味嘅朋友真係有啲難揀。
泰式生蝦
$78
5 views
0 likes
0 comments
泰式生蝦而家都唔係度度有得食，梗係即刻嗌返個啦。生蝦夠新鮮，肉質爽嫩，加埋個醬汁少少酸甜，清新，推介推介！
泰式鳳爪
$58
3 views
0 likes
0 comments
無骨鳳爪夠入味，而且分量十足，唔會好似有啲舖頭沙律菜多個雞腳🤣
炭燒墨魚頭
$88
5 views
0 likes
0 comments
先頭都有啲驚炭燒會搞到墨魚頭好乾身，點知食落又非常之juicy。本身話冇乜興趣嘅同事都食咗好多，好彩夠大碟，滿足。
越南春卷
$58
5 views
0 likes
0 comments
一碟四件，切開一半變八件。包埋生菜，入口size 剛剛好。即叫即炸，夠熱而且唔會好油膩，感覺一流。
越式牛柳沙律
$68
5 views
0 likes
0 comments
牛柳唔會煮得過熟，一口size，加埋沙律口感都好夾，大碟夾抵食！
雖然熟食市場嘅餐廳裝修都唔可以同商場比較，但係呢度都非常企理乾淨，識得放心。而且店員亦都好有禮貌，好細心。蔗渣價錢，燒鵝味道，呢度嘅性價比十足。真係唔好睇小熟食市場入邊嘅餐廳。
下次多啲人要OT，就即管試吓個越式火鍋， $298兩個人份量，已經包咗好多餸，唔夠仲有好多火鍋配料可以加。
又或者佢個午餐都好似幾好，$50樓下都有好多選擇，真係打工仔恩物。
———————————————📍 泰串越盞 📍
📍 觀塘駿業街67號駿業熟食市場1樓30號舖
📍 Tel 4645 6699
Post
