喜泰味

Open Now

Now Closed

收工來到附近的海麗邨新建的貨櫃商場朝聖一下，順便食個晚飯。呢間喜泰味，裝修環境都好舒服，播住柔和的泰國歌。我地坐低一陣，店員好nice咁送上蝦和水，蝦片鹹鹹香香，唔算好脆，但蝦味十足，好味。泰式海南雞 特價$48 (原價$128) 上菜速度好快。擺放得好靚，份量好多，雞肉質唔算好鮮嫩，但隔離個泰式醬好正，酸酸辣辣帶有蒜香味，送飯一流。泰式咖哩炒蜆 $108黃咖哩醬一流， 好有椰香味，個汁有少少稀，用來送飯食都唔覺得膩。蜆肉大大隻， 有鮮甜味。配料加入洋蔥，青椒，薑絲，爆香，好味。泰式奶茶 $22茶香味濃，有回甘味，比港式奶茶更甜，好飲。鮮椰青 $38清甜好好飲，椰肉容易刮開， 熟到啱啱好。