Aroma Thai Food

Open Now

Now Closed

上年去過清邁發現原來泰北菜好好食，不過香港好似唔係好多泰北餐廳。呢間小餐廳專食泰國粉麵，試咗佢個泰式金醬麵，好欣賞佢會喺菜單仔細寫湯底入面用咗啲乜嘢材料同埋做法，發現原來金醬唔等於咖喱汁，雖然望落去個醬汁好似會好濃好辣，但係其實食落口又唔覺得好油膩，反而係食到一啲香料嘅香味，個燒雞做得好好，配埋個炸脆麵同埋酸菜洋蔥，成碗麵嘅口感非常豐富。如果唔想食炸嘢，清湯都係好好嘅選擇，呢度嘅泰式清湯用豬骨同埋雞架去煲，雖然叫清湯，但係味道都係好香濃嘅，我要咗安格斯牛肉，食落口就知道唔係平價貨，加埋大量芫荽，牛味清香！檸檬草藍薑飲品唔係度度有得飲，清新之中有啲薑辣味，我自己就好鍾意嘅！另外我覺得小食酸辣手撕雞都幾驚喜，估唔到手撕雞都可以用呢一種醬汁去做，非常開胃。另外都試咗炸蝦餅同埋炸魚餅，兩款都係比較薄身嘅款式。綜合嚟講我覺得呢間小店性價比好高，細細間環境好企理，食物質素都好高，兩個人食每人百零蚊已經可以豐富滿足飽！