Video
Read full review
2010-04-08
2 views
7-4-2010晚飯由我揀地方, 本來想去新斗記食乳豬, 但 weekday 7:00pm walk-in 一係無位, 一係要 8:00pm 交檯, 兜兜轉轉結果嚟了呢度食泰菜. 一行 4 人, share 了幾款唔辣的食物, 整體印象尚算 ok, 不過口渴了成晚 :-海南雞 (半隻): 已去骨, 食落雞皮薄滑, 幾爽脆, 雞肉十分嫩滑, 不過竟然係熱的!? 醬汁又酸又鹹又好辣, 味道亦比其他地方食到的有層次及惹味, 幾滿意的.星洲咖喱大蝦: 大頭蝦開邊, 好好肉地, 肉質亦結實爽甜, 不過都唔夠個頭吸引, d 膏又多又甘香, 正 咖喱汁橙橙紅紅的, 質地似忌廉湯多過醬汁 ,「飲」落滑口, 唔辣, 帶甜及薑香椰香, 有點似泰式紅咖喱, 但感覺又似喇沙湯底多過咖喱汁, 幾得意.食咖喱當然要叫點澱粉質撈汁, 不過 roti 絕對係錯誤的選擇: 一客兩塊, 做得好油膩, 質地就十分實淨, 用鐵叉都拮了好耐先拮得入, 咬落可想而知有幾硬 Roti 唔掂, 咁不如食油飯吧, 但呢度的油而不香, 食落亦有點 undercooked 的感覺, 阿媽直程話覺得似 risotto 鹹魚
晚飯由我揀地方, 本來想去新斗記食乳豬, 但 weekday 7:00pm walk-in 一係無位, 一係要 8:00pm 交檯, 兜兜轉轉結果嚟了呢度食泰菜. 一行 4 人, share 了幾款唔辣的食物, 整體印象尚算 ok, 不過口渴了成晚 :-
海南雞 (半隻): 已去骨, 食落雞皮薄滑, 幾爽脆, 雞肉十分嫩滑, 不過竟然係熱的!? 醬汁又酸又鹹又好辣, 味道亦比其他地方食到的有層次及惹味, 幾滿意的.
星洲咖喱大蝦: 大頭蝦開邊, 好好肉地, 肉質亦結實爽甜, 不過都唔夠個頭吸引, d 膏又多又甘香, 正 咖喱汁橙橙紅紅的, 質地似忌廉湯多過醬汁 ,「飲」落滑口, 唔辣, 帶甜及薑香椰香, 有點似泰式紅咖喱, 但感覺又似喇沙湯底多過咖喱汁, 幾得意.
食咖喱當然要叫點澱粉質撈汁, 不過 roti 絕對係錯誤的選擇: 一客兩塊, 做得好油膩, 質地就十分實淨, 用鐵叉都拮了好耐先拮得入, 咬落可想而知有幾硬
Roti 唔掂, 咁不如食油飯吧, 但呢度的油而不香, 食落亦有點 undercooked 的感覺, 阿媽直程話覺得似 risotto
鹹魚炒芥蘭: 鹹魚份量多, 但鹹而不夠香; 芥蘭就好老, 硬到又嚡口到呢
粉絲蟹煲: 見湯底有不少花椒八角, 仲有煲到變「湯渣」樣的豬頸肉 , 聞落帶點藥材味, 味道唔辣, 反而帶點甘甜及 bak kut teh feel, 送飯不錯, 當湯飲就太鹹了; 而索滿湯汁的粉絲就當然好食, 可惜煲得較腍身, 有一夾即斷的 tendency 呢; 蟹亦 ok, 肉鮮甜實淨, 蟹膏聞落算香, 不過食落帶點苦澀, 純粹份量搭夠.
乾炒泰式金邊粉: 同一般 pad thai 一樣, 以蝦, 豆乾, 芽菜, 蔥段, 蛋絲為主, on the side 仲有花生碎, 及一小件青檸俾你自己「唧」汁... 配料味道無乜特別, 金邊粉就炒得乾身熱辣, 不過唧了青檸汁拌勻仍然唔夠酸, 但又唔多夠甜, 印象就是淡淡的, 麻麻哋鍾意; 不過成晚不斷大嗌嘢食「好鹹」的阿媽就似乎幾欣賞, 睇嚟呢碟都係較啱食得清淡的人口味多 d.
環境靚裝闊落又舒服, 服務亦幾細心, 配套不錯.
埋單每人差不多 $200, 食物好壞參半, 不過口渴了成晚就係真的, 應該唔會再來了.
Post
