新泰東南亞餐廳 (Closed)

呢幾日天氣有啲熱，夏天真係黎啦，因為冇乜食慾，咁就不如去食下thai菜，有啲酸酸辣辣嘅嘢食，好似開胃啲咁之前見朋友嚟過呢一間泰國餐廳食，好似幾唔錯咁，就黎試吓啦😇都幾冇介紹錯，入到黎覺得好有泰國嘅感覺，包括啲傢俬同埋成個氣氛都係非常舒適，真係冇揀錯地方。食泰國菜，梗係要食下佢嘅肉碎包生菜啦，仲好似好健康添，咁佢都有唔同嘅肉類選擇，特別啲嘅有魚肉啦，咁我哋今次就冇揀嘅，我哋就選擇咗鴨肉，因為好似出面啲泰國餐廳都比較少有呢一種，不過題番聲如果唔係好食得辣就唔好揀啦，因為都幾辣下嘅，但係就幾開胃，啱晒做前菜啊跟住就叫咗個馬拉盞炒通菜，真係唔識唔知原來馬拉盞係鹹魚嘅一種，通菜加埋都好好食，都幾健康。跟住我哋都叫咗魷魚，同出面西式嘅餐廳有啲唔同，佢個汁都係酸酸辣辣咁嘅,下次嚟試吓佢哋個南瓜飯先，因為見到隔離食好似好好食