Video
Read full review
2019-09-04
108 views
放咗工就諗住同朋友喺附近睇戲，九龍灣呢頭其實都幾多戲院架，但係要數最舒服，就係星影匯呢邊。費事走來走去啦，於是就喺九展呢邊搵嘢食。見到呢間主打東南亞菜式嘅餐廳，喺出邊睇好chill，港女我梗係要入嚟試吓啦。我哋兩個人，就叫咗一個二人套餐嗌咗吞拿魚青木瓜鹹蛋沙律，椰子雞湯，煙三文魚明太子菠菜意粉，香煎紐西蘭肉眼扒配燒汁。沙律十分之大份，配上上面好新鮮嘅吞拿魚，比我感覺好清新，用來做開胃前菜就啱啱好。食完沙律就飲個湯先啦，呢個湯材料亦都好足夠，有蘑菇蕃茄仔仲有好重香茅味，果然泰式。唔好咁貪心係呢個時候飲晒啲湯，因為我太貪心，飲左太多湯太飽，要等一陣先食得落其他嘢食。重頭戲黎啦！呢一個煙三文魚明太子菠菜意粉非常非常之啱我口味，重要嘅事要講三次：非常之啱我口味！首先煙三文魚夠多而且薄薄一片唔會太厚亦都唔會太薄，重點係佢醬汁嘅調教，夠晒甜配合埋煙三文魚嗰少少鹹，同埋面頭嘅嗰啲芝士粉，放入口完全感受到味道嘅層次真係停唔到口不停咁樣食啊。不過呢度嘅嘢食太大份，食完沙律，飲晒湯，食埋呢個意粉我已經飽飽地啦。我哋仲有個肉眼扒，為咗試真啲佢個味，其實我無點燒汁，但係我覺得佢牛扒腌得非常之好，完全唔需要點燒
費事走來走去啦，於是就喺九展呢邊搵嘢食。
見到呢間主打東南亞菜式嘅餐廳，喺出邊睇好chill，港女我梗係要入嚟試吓啦。
我哋兩個人，就叫咗一個二人套餐嗌咗吞拿魚青木瓜鹹蛋沙律，椰子雞湯，煙三文魚明太子菠菜意粉，香煎紐西蘭肉眼扒配燒汁。
沙律十分之大份，配上上面好新鮮嘅吞拿魚，比我感覺好清新，用來做開胃前菜就啱啱好。
食完沙律就飲個湯先啦，呢個湯材料亦都好足夠，有蘑菇蕃茄仔仲有好重香茅味，果然泰式。唔好咁貪心係呢個時候飲晒啲湯，因為我太貪心，飲左太多湯太飽，要等一陣先食得落其他嘢食。
重頭戲黎啦！呢一個煙三文魚明太子菠菜意粉非常非常之啱我口味，重要嘅事要講三次：非常之啱我口味！
首先煙三文魚夠多而且薄薄一片唔會太厚亦都唔會太薄，重點係佢醬汁嘅調教，夠晒甜配合埋煙三文魚嗰少少鹹，同埋面頭嘅嗰啲芝士粉，放入口完全感受到味道嘅層次真係停唔到口不停咁樣食啊。不過呢度嘅嘢食太大份，食完沙律，飲晒湯，食埋呢個意粉我已經飽飽地啦。
我哋仲有個肉眼扒，為咗試真啲佢個味，其實我無點燒汁，但係我覺得佢牛扒腌得非常之好，完全唔需要點燒汁都好夠香味，而且切落去唔會話太乾，就算前面食得幾飽呢一個牛扒絕對值得食！
我哋仲叫咗一個甜品就係法式焦糖燉蛋。
嘢飲方面為咗消一消濟，我哋都飲茶，但係就叫左唔同嘅茶，玫瑰茶同埋鐵觀音，一陣睇戲唔會瞓着呀嘛。
兩種茶都係用茶包，但係又好重茶味。我特別欣賞嘅係佢鐵觀音十分之順滑，飲落去唔會苦澀。
Post
