泰屋

Open Now

Now Closed

某人突然接放工，就响附近搵嘢食，呢間泰菜由公司行過去唔遠， 搭車返屋企又近 。上到去見門面有啲泰國裝飾，店裏面寬敞 明亮，某人就負責點菜，點選一個炒粉絲、 一個炒菜、一個湯再加一個小食。第一個先嚟嘅呢就係大頭蝦椰汁湯，呢個湯大頭蝦好大隻，個頭有好多膏，蝦肉爽鮮好滋味，個湯好香椰汁味帶微辛，好飲。跟住嚟一個係馬拉盞炒椰菜苗，惹味又爽脆，我最鍾意食。再嚟個蝦醬炒鮮魷，配菜豐富顏色靚，蝦醬味唔會太濃， 切花好靚，肉質柔軟，唔會好韌。最後一個就係泰式海鮮炒粉絲，炒粉絲上面有蝦仁、青口、魷魚、洋蔥、芹菜，非常惹味。泰國美味可以暫時滿足吓未能出遊嘅口腹之慾。