泰排檔

Open Now

Now Closed

今日老公帶左去佐敦食正宗泰國菜，大廚係米芝蓮泰菜samsan出身，而食材9成都來自泰國，每道菜味道充滿泰國街頭風味，好地道。餐牌價錢亦好貼地，唔怪得排晒長龍啦。老闆幫我哋落單，佢係泰國人，風趣幽默，親切，感覺好開心。餐廳生意非常好，有d款式都已經賣晒。最後我哋就叫左燒烤、蔬菜及湯麵各一，兩款主食，另外兩款飲品。燒豬頸肉：豬頸肉好腍，炭燒味濃，香口，唔會覺得太肥太膩，點埋旁邊泰式醬，甜甜酸酸，幾好食。和牛船麵：有和牛、牛丸、通菜同炸豬皮，配金邊粉，牛丸彈牙，湯底超濃，所有材料吸晒d湯嘅精華，好好食。飛天通菜：炒得夠綠，夠鑊氣，鹹鹹香香，甜甜地，辣度十足，越食越辣，好惹味。香辣金不換炒和牛：有兩隻太陽蛋，和牛切成細細粒，牛味濃，多汁帶甜，好夠味。啖啖蟹肉奄列：剛炸起，熱辣辣。外層薄薄粉漿煎得幾香，睇到又食到啖啖蟹肉絲，有鮮味，奄列蛋味香，點埋泰式甜辣醬就更滋味。飲品：青檸梳打及椰青夠凍，椰青夠青甜，兩款都係消暑之選。