Chang Thai Restaurant & Bar (Under Renovation)

一大班朋友揀咗呢間泰菜慶祝生日，餐廳環境有啲似酒吧格局，食物選擇種類算多。首先前菜要左泰菜必食嘅生蝦，泰式生蝦爽口，夾住蒜頭同埋辣椒食口感更豐富。另一個前菜試左手打黃金蝦餅，好足料，非常彈牙，高質之選。湯要左冬陰功海鮮湯，海鮮份量多，酸酸甜甜，少少辣。主菜泰式酸辣明爐味道偏淡，魚味比較出，下面有明火熱住，keep住溫度。另一個農夫包裝住咖喱軟殼蟹好有gimmick，包偏硬，咖喱造得頗為出色。菠蘿海鮮炒飯不過不失，用全個菠蘿裝住，海鮮份量亦算好多。