Video
Read full review
2021-02-07
677 views
今日朋友話帶我嚟食九龍城一間新開嘅泰國菜，佢話係泰國人主理嘅。其實去九龍城食泰國菜都聽得多，但一路都未試過，今日終於有機會食啦！店內裝修好有泰國小店嘅風味，幾特別，同埋店員真係全部都係泰國人，餐牌又有泰文，真係覺得自己好似去左泰國咁，正。🍛泰式雞肉炒飯 $52炒飯好香蛋味，用咗芥蘭 、紅蘿蔔、洋蔥、香葉炒成，食落好有鑊氣。雞肉份量都有好多。旁邊仲有啲炸過嘅辣椒碎，無論係就咁食定係撈落啲炒飯到都好正。🐔燒雞腎 $12雞腎彈牙爽口。🐔沙嗲雞 $12雞好滑同有鮮甜感覺，沙嗲醬甜甜哋，幾好食。🐷雞軟骨 $12雞軟骨脆口，食落幾開胃，加埋沙嗲醬一齊食，配搭幾好。🦑燒墨魚丸 $14墨魚丸外皮燒到香脆，點甜醬一齊食，好味。🐮泰式燒牛肉 $68燒牛肉調味好好味，食落可以感受到牛肉燒得好香，牛肉份量超多，無論係送飯定做小食都一流。🥬馬拉盞炒通菜 $63馬拉盞嘅味道同平時喺香港食開嘅有啲唔同，通菜食落帶有一種酸甜味，幾特別，餐廳用上比較幼身嘅通菜，口感上有另一番風味。🦀香辣海鮮炒河 $63炒河用咗紅蘿蔔、洋蔥、香葉炒成，河粉比較特別，好似平時食腸粉嘅皮咁，不過就再煙韌啲。調味啱啱到位，好味。海鮮有蝦同魷魚
店內裝修好有泰國小店嘅風味，幾特別，同埋店員真係全部都係泰國人，餐牌又有泰文，真係覺得自己好似去左泰國咁，正。
🍛泰式雞肉炒飯 $52
炒飯好香蛋味，用咗芥蘭 、紅蘿蔔、洋蔥、香葉炒成，食落好有鑊氣。雞肉份量都有好多。旁邊仲有啲炸過嘅辣椒碎，無論係就咁食定係撈落啲炒飯到都好正。
🐔燒雞腎 $12
雞腎彈牙爽口。
🐔沙嗲雞 $12
雞好滑同有鮮甜感覺，沙嗲醬甜甜哋，幾好食。
🐷雞軟骨 $12
雞軟骨脆口，食落幾開胃，加埋沙嗲醬一齊食，配搭幾好。
🦑燒墨魚丸 $14
墨魚丸外皮燒到香脆，點甜醬一齊食，好味。
🐮泰式燒牛肉 $68
燒牛肉調味好好味，食落可以感受到牛肉燒得好香，牛肉份量超多，無論係送飯定做小食都一流。
🥬馬拉盞炒通菜 $63
馬拉盞嘅味道同平時喺香港食開嘅有啲唔同，通菜食落帶有一種酸甜味，幾特別，餐廳用上比較幼身嘅通菜，口感上有另一番風味。
🦀香辣海鮮炒河 $63
炒河用咗紅蘿蔔、洋蔥、香葉炒成，河粉比較特別，好似平時食腸粉嘅皮咁，不過就再煙韌啲。調味啱啱到位，好味。海鮮有蝦同魷魚，份量都唔少。
呢間啲炒河同炒飯真係高質到不得了，食完已經好想再食。今次朋友真係好介紹！
Post
