666泰船麵 (仁愛街) (Closed)

咁耐冇去過泰國，緊係要去試吓香港有嘅泰國地道美食，今次就過嚟試吓新蒲崗既666泰船麵。一喺門口見到價錢覺得好合理，所以就可以覺得試下。今次試左豬肉丸金邊粉，佢可以有得揀細碗啱晒女仔，湯底好濃味，好地道嘅味道，食食下已經好快食完！另外再叫左香辣豬肉碎飯，叫咗個大所以有煎蛋！豬肉碎炒得好香，配飯一流，自己覺得要有少少辣先夠惹味！另外仲叫咗兩個小食，泰式手工炸蝦餅同豬肉串燒，好鍾意食個蝦餅熱辣辣，好足料，一定要趁熱食！另外豬肉串燒配左醬汁同埋花生碎好夾，停唔到口。總括嚟講呢一間價錢好抵，如果大家經過記得要去試吓！