泰旺泰國餐廳 (Closed)

平時食連鎖店餐廳食得多，試下依間小店。同商場都有幾間唔同小店，依間係泰國菜。講得出小店，坐位都偏迫，大概30個位。一個女侍應加一個大廚，未知兩個是否夫婦。侍應都幾忙，又落單，又埋單，又洗碗，傳菜。濕炒肉片河師傅係廚房煮到呼呼聲，未食已經感覺到有鑊氣。分量足夠，料都算多，鑊氣當然十足。乾炒金邊粉相對粉分量少些，但料都多，酸味十足。不過我就覺得略嫌唔夠乾身。泰式春卷冇咩特別，13蚊一條，略嫌貴左少少。下次可以試下冬蔭公湯河。