藍象泰國餐廳 (Closed)

以前每次去曼谷，都必定會去食藍象餐廳！但係作為香港人只需要去尖沙咀就可以食到，所以真係好方便今日就同太太嚟到尖沙咀嘅藍象餐廳試吓，餐廳嘅格局同我去曼谷時嘅感覺有啲唔同， 因為佢係比較似西式餐廳，但就保留左泰國嘅藍色招牌logo午餐佢有一啲set lunch,由於我同太太都唔算太肚餓所以只係單點左兩款食物單點嘅食物同set lunch比較偏貴一點點，但食物就更有特色座位方便比較迫， 但都算係幾舒服而整個無敵海景盡收眼底確係冇得彈前菜我點左一個幾有特色嘅沙律，金柚芒果沙律伴蝦干甜梅子汁賣相精緻，而且非常有泰式嘅風味，味道多層次酸酸甜甜嘅口感，大大刺激食慾，沙律加入了青芒果夠fresh主食我就點左算係藍象餐廳推介嘅美食菠蘿雞肉炒飯,用完隻菠蘿。同樣係喺九龍城食到嘅食物喺呢度層次大大提升，味道更加係一絕，雞肉嫩滑而炒飯鹹味適中！估唔到咁平凡嘅食物都可以有咁高層次