泰濃麵 (樂道)

Open Now

Now Closed

疫情剛剛好轉，約咗朋友去睇戲順便食個晏晝，朋友好鍾意食船麵而且我又好鍾意泰國嘢就上網搵咗一間專食船麵嘅餐廳「泰濃麵」。入到去座位不多，大概可以容納10張枱左右，始終係疫情關係都係冇乜人，一入到去就已經有位坐，我地點左一人一碗麵同埋一個小食。頂級安格斯牛肉船麵呢個安格斯牛肉睇落鮮紅色好鮮嫩，食落去好香牛肉味，果然係頂級牛肉，裏面仲有炸豬皮、魚蛋、芽菜等做配菜每個餸好新鮮豬皮仲好脆卜卜而且個湯底係用豬骨淆成嘅，味道好濃郁，同個金邊粉麵底好夾。卜卜蜆冬陰公麵碗麵送到枱即刻眼前一亮，因為全碗麵嘅面都鋪滿晒蜆，大概有六至七隻左右，每隻蜆都非常大隻，食落好彈牙而且無沙，好新鮮，仲有蟹柳做配菜，個湯底係冬陰功湯底味道好濃味但可能配合香港人嘅口味略嫌甜咗少少。炸芝士雲吞炸芝士雲吞外皮好薄而且炸得好脆，內裡既芝士好有口感好煙韌，而且芝士好香，而且配埋個泰式辣醬，味道一流。喺香港都唔係好多地方可以食到船麵，呢間既味道又幾唔錯，所以其實真係值得再食。