船皇 (謝斐道) (Closed)

船皇湯麵（$52），啱哂貪心鬼嘅我，咩都有一件。牛腩（好味，有牛味，夠淋）、牛肉片（即係肥牛，味道普通）、牛肉丸（彈牙有牛味，不錯）、雞絲（冇咩味，十分普通）、雞翼（鹵得幾入味）、豬肉（普通）、豬肉丸（同樣彈牙，但味道一般）、豬潤（正常）；另外湯底好好味，甜甜哋，牛味濃但唔肥膩；麵底可揀蛋麵/米粉/金邊粉/河粉，本來想要河粉但賣哂，要咗金邊粉，味道正常。牛腩+牛肉片+牛肉丸湯麵（$46），件數會多啲，每樣都有3-4件。個人建議食呢款性價比高啲。跟餐配餐飲 or 小食，但加$8就可以both有齊。炸豬皮，都好多件，雖然唔係舊舊都脆卜卜，但浸湯食都OK嘅。泰式炸蝦卷，即炸，味道正常（唔記得影相）。