泰拍耶

Open Now

Now Closed

晚飯時間約左舊朋友見面，係aeon行街見到呢間餐廳幾多人食就試下，餐廳職員好有禮貌同效率，環境夠闊落所以一袋二袋既我地都坐得好舒服。我地叫左個2人精選套餐，單⻣雞翼外皮炸得微脆，鹹度剛好，幾野味，泰式椰汁雞湯好creamy同足料，椰汁味香濃，雞肉同蘑菇配椰汁湯好好飲，主菜既黃咖哩豬肉都有啲椰汁味，佢反而係唔辣而着重咖哩香味，豬肉肉質幾嫩滑，中意送飯既你可以加12配要碗白飯，大力推介船河真係好好味，湯底濃味而且炸豬皮都好正，河粉吸曬湯底，正！飲品我地加左錢試椰青同椰汁冰，椰青好清甜而且佢地開口夠大，可以食埋裏面既椰子肉，椰子冰我超中意飲因為佢好重好香椰味，食完熱野飲杯冰，爽呀！黎行街既各位不妨一試！😂