泰風情

Open Now

Now Closed

星期六下午到了九龍城食ＬＵＮＣＨ，見到呢間泰風情，入去一試，無論門口有個泰國姐姐及室內的泰式裝飾，都感受到泰國風情，而且店員還指大廚都係泰國人添，店員給我地推界了好多特色菜式，分別有黑毛豬串燒$88，响呢年間，通常到訪高級西餐廳才會推界黑毛豬，　而且還要是指ＨＡＭ，　但出奇地呢度都有黑毛豬，還有是以沙嗲串燒的烹調手法，　賣相很吸引，金黃色，有啲炭焦香口，試過原味豬肉好嫩口唔肥膩, 好滑溜，肉質好腍，也嘗試蘸沙嗲醬，就有返泰色串燒的感覺。主菜叫了招牌豬手$88-又令我諗起，一般豬手係德國店才出現，又或是中國豬肉，冇諗過泰國也煮到如此好味的豬手，果然係招牌菜，肉質超腍，好滑，個豬皮帶點黏口及皮質也好口腍身，　配以一個不會太咸的汁，味道剛好，又一令我覺得食泰國菜，原來有更多新穎菜色可一嚐的。另一道菜，咖哩雞配蒜蓉法包，咖哩不是太辣，略帶甜味，店員介紹下次可試海鮮的惹味咖哩仲吸引及地道呀, 配以法包好鬆脆。最後叫了新鮮椰青，好清甜呀！