金坊泰國美食

Open Now

Now Closed

因為落大雨關係讓我今天有機會在荃灣來個泰式afternoon tea。呢間泰國菜館下午茶時段竟然有happy hour，Singha大支裝特價賣$18一支，坐低即刻叫咗因為又熱又口渴又落雨，跟住就睇吓有乜野下午茶餐嘅小食可以餸吓酒啦，點知佢全部嘅下午茶餐都係一碗或者一碟粉麵飯再加一小份小食，唔係好啱餸酒，結果就叫咗個泰式小食拼盤，入面有蝦餅、魚餅、泰式春卷同埋香蘭葉包雞，盛惠$118。幾樣野入面最好食係個蝦餅，好彈牙，春卷入面好多蘿蔔絲，都炸得夠香脆，佢個魚餅就只屬一般，至於個香蘭葉包雞就麻麻哋，我嫌佢無乜香蘭葉味。突如其來的一餐，不過不失啦。